- 465 కిలోమీటర్ల క్లెయిమ్డ్ రేంజ్ మైలేజీని అందిస్తున్న నెక్సాన్ ఈవీ
- కేవలం ఒకే ఒక్క వేరియంట్లో లభ్యం
టాటా యొక్క డార్క్ ఎడిషన్ పోర్ట్ ఫోలియోలో తాజాగా నెక్సాన్ ఈవీని కూడా చేర్చింది. ఇది కేవలం ఒకే ఒక్క ఎంపవర్డ్ ప్లస్ లాంగ్ రేంజ్ వేరియంట్ లో అందుబాటులో ఉండగా, ఈ ఎస్‍యూవీ యొక్క స్పెషల్ ఎడిషన్ నెక్సాన్ ఈవీ లైనప్ లో టాప్ పొజిషన్ లో కొనసాగుతుంది. ఇప్పుడు మనం ఈ ఆర్టికల్ ద్వారా, ఇండియాలోని టాప్-10 సిటీల్లో టాటా నెక్సాన్ ఈవీ డార్క్ ఎడిషన్ యొక్క ఆన్-రోడ్ ధరల వివరాలను తెలుసుకుందాం.
| సిటీ | ఆన్-రోడ్ ధర |
| హైదరాబాద్ | రూ. 23.39 లక్షలు |
| ముంబై | రూ. 20.67 లక్షలు |
| విజయవాడ | రూ. 23.95లక్షలు |
| ఢిల్లీ | రూ. 20.71 లక్షలు |
| చెన్నై | రూ. 20.68 లక్షలు |
| కోల్ కతా | రూ. 20.67 లక్షలు |
| బెంగళూరు | రూ. 20.68 లక్షలు |
| అహ్మదాబాద్ | రూ. 21.83 లక్షలు |
| పూణే | రూ. 20.67 లక్షలు |
| కొచ్చి | రూ. 20.65 లక్షలు |
| చండీగర్ | రూ. 20.65 లక్షలు |
కొత్తగా వచ్చిన ఈ నెక్సాన్ ఈవీ డార్క్ ఎడిషన్ ఎక్స్‌క్లూజివ్‌ ఆల్-బ్లాక్ ఓబెరాన్ ఎక్స్‌టీరియర్ కలర్ తో పాటుగా బ్లాక్డ్-అవుట్ ఫ్రంట్ గ్రిల్, రూఫ్ రెయిల్స్, ఓఆర్‌విఎం, మరియు అల్లాయ్ వీల్స్ ని పొందింది. ఈ ఎస్‍యూవీ యొక్క ఇంటీరియర్ బ్లాక్ థీమ్ తో పాటుగా హెడ్ రెస్ట్స్ పై ‘Dark’ బ్యాడ్జింగ్ ని కలిగి ఉంది. అంతే కాకుండా, ఎంపవర్డ్ ప్లస్ లాంగ్ రేంజ్ వేరియంట్లో అందించబడిన అన్ని ఫీచర్లను ఇందులో కూడా కొనసాగిస్తుంది.
టాటా నెక్సాన్ ఈవీ డార్క్ ఎడిషన్ యొక్క 40.5kWh బ్యాటరీ ప్యాక్ 143bhp మరియు 215Nm టార్కును ఉత్పత్తి చేయడానికి మోటారుకు సహాయపడుతూ, 465 కిలోమీటర్ల క్లెయిమ్డ్ రేంజ్ మైలేజీని అందిస్తుంది. 7.2kW ఏసీ ఛార్జర్ ని ఉపయోగించి ఈ ఎలక్ట్రిక్ ఎస్‍యూవీని కేవలం 6 గంటల్లోనే 10-100 శాతం వరకు ఛార్జ్ చేయవచ్చు.
అనువాదించిన వారు: సంజయ్ కుమార్
