మార్కెట్ పరిచయం
నెక్సాన్ ఫేస్లిఫ్ట్ ఇండియాలో లాంచ్ అయినప్పుడు, హారియర్ మరియు సఫారి ఫేస్‌లిఫ్ట్‌ల వంటి వాటిలో డార్క్ ఎడిషన్లో అనేది అందుబాటులో లేదు. కానీ ఇప్పుడు, ఆటోమేకర్ నెక్సాన్ ఎస్‌యువికి సంబంధించిన పాపులర్ డార్క్ ఎడిషన్‌ను ఇండియాలో లాంచ్ చేయాలని యోచిస్తున్నట్లు రూమర్స్ వినిపించాయి, ఇప్పటికే దీని ఈవీ వెర్షన్ భారత్ మొబిలిటీ ఆటో ఎక్స్‌పో 2024లో ప్రదర్శించబడింది. రాబోయే సెడాన్ లో ఏయే ఫీచర్స్ ఉండనున్నాయో మనం చూద్దాం.
ఎక్స్‌టీరియర్
రాబోయే నెక్సాన్ డార్క్ ఎడిషన్లో అతి ప్రాముఖ్యమైన మార్పు ఏమిటంటే, గ్లోస్-ఫినిష్డ్ మిడ్‌నైట్ బ్లాక్ పెయింట్ స్కీమ్‌తో పాటు బ్లాక్ బంపర్ మరియు గ్రిల్, బ్లాక్-అవుట్ రూఫ్ రెయిల్స్, బ్లాక్ అల్లాయ్ వీల్స్ మరియు మధ్యలో బ్లాక్ టాటా లోగో కూడా ఉన్నాయి. ఇంతే కాకుండా, ఇది ఎస్‌యువిలో సిల్హౌట్ స్టాండర్డ్ వేరియంట్‌కు సమానంగా ఉంటుంది.
ఇంటీరియర్
టాటా మోటార్స్ ఇది వరకు టాటా నెక్సాన్ కారులో ఉన్న అదే థీమ్‌ను డార్క్ ఎడిషన్లో కూడా కొనసాగించనుంది. డ్యాష్‌బోర్డ్ బ్లాక్ అప్‌హోల్స్టరీ మరియు చుట్టూ 'డార్క్' బ్యాడ్జింగ్‌తో పాటు బ్లాక్ ఇంటీరియర్ థీమ్‌తో చుట్టబడి వచ్చే అవకాశం ఉంది. ఇది కాకుండా, వైర్‌లెస్ మొబైల్ కనెక్టివిటీ, కస్టమైజ్డ్ డిజిటల్ ఇన్‌స్ట్రుమెంట్ క్లస్టర్, సన్‌రూఫ్, ఎయిర్ ప్యూరిఫైయర్, జెబిఎల్ -సోర్స్డ్ ఆడియో సిస్టమ్, పాడిల్ షిఫ్టర్స్ మరియు వెంటిలేటెడ్ ఫ్రంట్ సీట్స్ తో 10.25-ఇంచ్ టచ్‌స్క్రీన్‌ వంటి ఫీచర్లను పొందుతుంది.
పవర్‌ట్రెయిన్స్
టాటా నెక్సాన్‌ను పెట్రోల్ మరియు డీజిల్ పవర్‌ట్రెయిన్ ఆప్షన్స్ తో అందిస్తోంది. ఇందులో 1.2-లీటర్ టర్బో పెట్రోల్ మరియు 1.5-లీటర్ డీజిల్ ఇంజిన్ ఉన్నాయి. ఇందులో ట్రాన్స్‌మిషన్ విధులు 7-స్పీడ్ మాన్యువల్, 6-స్పీడ్ ఆటోమేటిక్ మరియు 7-స్పీడ్ డిసిటి యూనిట్ ద్వారా నిర్వహించబడతాయి.
ధర మరియు పోటీ
ఎస్‌యువి యొక్క స్పెషల్ ఎడిషన్ ధర రెగ్యులర్ వేరియంట్‌ల కంటే రూ.25,000 నుండి రూ. 30,000 వరకు ఎక్కుగా ఉంటుందని మేము భావిస్తున్నాము. ప్రస్తుతం, నెక్సాన్ స్మార్ట్, ప్యూర్, క్రియేటివ్, క్రియేటివ్ ప్లస్, ఫియర్‌లెస్ మరియు ఫియర్‌లెస్ ప్లస్ అనే 6 వేరియంట్లలో ఆప్షనల్ సన్‌రూఫ్‌తో పాటు అందించబడుతోంది. నెక్సాన్‌కు పోటీగా హ్యుందాయ్ వెన్యూ, మారుతి సుజుకి బ్రెజా, కియా సోనెట్ మరియు రెనాల్ట్ కైగర్ ఉన్నాయి.
అనువాదించిన వారు: రాజపుష్ప
