- ఇండియాలో రూ. 13.76 లక్షల నుండి ప్రారంభంకానున్న స్కార్పియో ఎన్ ధరలు
- అందుబాటులో ఉన్న 5-వేరియంట్స్, 7-కలర్స్
మహీంద్రా కంపెనీ విడుదల చేసిన కొన్ని మోడళ్ళపై ధరలను పెంచింది, ధరలు ఇప్పటి నుంచే అమలుకానున్నాయి. స్కార్పియో క్లాసిక్, స్కార్పియో ఎన్ మరియు ఎక్స్యువి700 వంటి మోడళ్ళు ఇందులో ఉన్నాయి. ధరలను గమనిస్తే స్కార్పియో ఎన్ ధరలు భారీగానే పెరిగాయి.
మహీంద్రా స్కార్పియో z4 డీజిల్ ఎంటి 4డబ్ల్యూడి 7ఎస్ (ఇ) వేరియంట్ పై మొత్తంగా చూస్తే రూ.81,000 వరకు పెరిగింది. అలాగే, z8L డీజిల్ ఏటీ 2డబ్ల్యూడి 7ఎస్ వేరియంట్ పై కొద్ది మొత్తంలో రూ.1,995 వరకు పెరిగింది. దాంతో పాటు, ఎంట్రీ లెవెల్ పెట్రోల్ వేరియంట్ పై రూ.52,199 పెరిగి ఈ మోడల్ రూ. 13.76 లక్షలతో ప్రారంభమవుతుంది. ఇంకా చెప్పాలంటే, టాప్- స్పెసిఫికేషన్స్ తో కూడిన డీజిల్ వేరియంట్ పై రూ.2,000 వరకు పెరిగింది.
మహీంద్రా స్కార్పియో ఎన్ 5-వేరియంట్స్ లో అందుబాటులో ఉంది. అవి z2, z4, z6, z8, మరియుz8L. వీటిని కస్టమర్స్ డాజ్లింగ్ సిల్వర్, డీప్ ఫారెస్ట్, గ్రాండ్ కానియన్, ఎవరెస్ట్ వైట్, నపోలి బ్లాక్, రెడ్ రేజ్ మరియు రాయల్ గోల్డ్ వంటి 7-కలర్స్ లో పొందవచ్చు.