రూ.67.65 లక్షల ప్రారంభ ధరతో రెండు వేరియంట్లలో అందించబడుతున్న రాంగ్లర్
మరిన్ని టెక్ ఫీచర్లు, రివైజ్డ్ ఇంటీరియర్ తో వచ్చిన 2024 రాంగ్లర్
జీప్ ఇండియా మొత్తానికి రాంగ్లర్ ఫేస్లిఫ్ట్ ని రూ.67.65 లక్షల ఎక్స్-షోరూం ప్రారంభ ధరతో నేడే ఇండియాలో లాంచ్ చేసింది. ఈ లైఫ్ స్టైల్ ఆఫ్-రోడర్ అన్ లిమిటెడ్ మరియు రూబికాన్ అనే రెండు వేరియంట్లలో, రివైజ్డ్ ఇంటీరియర్ తో మరిన్ని టెక్ ఫీచర్లను అందుబాటులోకి తీసుకువచ్చింది. కొత్త రాంగ్లర్ కారు డెలివరీ మే-2024 మూడవ వారం నుంచి ప్రారంభమవుతుంది.
ఎక్స్టీరియర్ పరంగా, బయటి వైపు జీప్ ఆఫ్-రోడర్ 2024రాంగ్లర్ సిగ్నేచర్ సెవెన్-స్లాట్ బ్లాక్డ్-అవుట్ గ్రిల్, అప్డేటెడ్ ఫాసియాతో వైడ్ బంపర్, మరియు అన్ లిమిటెడ్ మరియు రూబికాన్ వేరియంట్లలో వరుసగా 18-ఇంచ్ మరియు 17-ఇంచ్ అల్లాయ్ వీల్స్ ని పొందింది. ఇంకా చెప్పాలంటే, విండ్ షీల్డ్ ఇప్పుడు గొరిల్లా గ్లాస్ ప్రొటెక్షన్ ని కూడా పొందింది.
ఇక కలర్ ఆప్షన్స్ విషయానికి వస్తే, రాంగ్లర్ ఫేస్లిఫ్ట్ ని బ్రైట్ వైట్, గ్రానైట్ క్రిస్టల్, ఫైర్క్రాకర్ రెడ్, బ్లాక్ మరియు సర్జ్ గ్రీన్ వంటి 5 కస్టమైజ్డ్ ఎక్స్టీరియర్ కలర్లలో పొందవచ్చు.
ఇంటీరియర్ పరంగా, జీప్ రాంగ్లర్ ఫేస్లిఫ్ట్ రివైజ్డ్ డ్యాష్ బోర్డ్ లేఅవుట్ రూపంలో ఇంటీరియర్లో చిన్న మార్పులను తీసుకువచ్చింది. ఫీచర్ల పరంగా ఈ ఎస్యూవీ ఇప్పుడు 12.5-ఇంచ్ టచ్ స్క్రీన్ ఇన్ఫోటైన్మెంట్ సిస్టం, వైర్ లెస్ ఆండ్రాయిడ్ ఆటో మరియు యాపిల్ కార్ ప్లే, 12-వే పవర్డ్ ఫ్రంట్ సీట్లు, ఆరు ఎయిర్ బ్యాగ్స్, టిపిఎంఎస్, మరియు లెవెల్-2 ఎడాస్ సూట్ (ఏడీఏఎస్) వంటి ఫీచర్లను పొందింది.
మెకానికల్ గా, జీప్ రాంగ్లర్ ఫేస్లిఫ్ట్ 2.0-లీటర్ 4-సిలిండర్ టర్బో పెట్రోల్ ఇంజిన్ 8-స్పీడ్ కన్వర్టర్ యూనిట్ తో జతచేయబడి వచ్చింది. ఈ మోటార్ 268bhp పవర్ మరియు 400Nm పీక్ టార్కును ఉత్పత్తి చేస్తుంది. ఆఫ్-రోడింగ్ టెక్ పరంగా, ఈ లైఫ్ స్టైల్ ఎస్యూవీలో బ్రాండ్ యొక్క సెలెక్-ట్రాక్ 4WD సిస్టం స్టాండర్డ్ గా అమర్చబడి ఉంది.
వేరియంట్-వారీగా 2024 జీప్ రాంగ్లర్ ఎక్స్-షోరూం ధరలు కింది విధంగా ఉన్నాయి:
వేరియంట్ | ఎక్స్- షోరూం ధర |
జీప్ రాంగ్లర్ అన్ లిమిటెడ్ | రూ.67.65లక్షలు |
జీప్ రాంగ్లర్ రూబికాన్ | రూ. 71.65 లక్షలు |
అనువాదించిన వారు: సంజయ్ కుమార్