- காமெட் இவி மூன்று வேரியண்ட்ஸில் வழங்கப்படும்
- 250+ கஸ்டமைசேஷன் விருப்பங்களில் வழங்கப்படுகிறது
எம்ஜி மோட்டார் இந்தியா நிறுவனம், நாட்டில் காமெட்டின் சிறிய இவி’யின் டெலிவரியை தொடங்கியுள்ளது. பிராண்டின் இரண்டாவது எலக்ட்ரிக் வாகனம் இந்த மாதம் ரூ.7.98 லட்சத்தில் (எக்ஸ்-ஷோரூம்) அறிமுகப்படுத்தப்பட்டது.
எம்ஜி காமெட் இவி ஆனது 41bhp மற்றும் 110Nm டோர்க்கை உற்பத்தி செய்யும் எலக்ட்ரிக் மோட்டாருடன் 17.3kWh பேட்டரி பேக் மூலம் இயக்கப்படுகிறது. இந்த மாடலை 3.3kW சார்ஜரின் உதவியுடன் ஏழு மணி நேரத்தில் 0 முதல் 100 சதவீதம் வரை சார்ஜ் செய்ய முடியும். இந்த கார் ஒருமுறை சார்ஜ் செய்தால் 230 கிமீ வரை செல்லும்.
காமெட் எலக்ட்ரிக் பேஸ், ப்ளே மற்றும் ப்ளஷ் ஆகிய மூன்று வேரியண்ட்ஸில் கிடைக்கிறது. வாடிக்கையாளர்கள் கேண்டி ஒயிட், அரோரா சில்வர், ஸ்டார்ரி பிளாக், கேண்டி ஒயிட் ஸ்டார்ரி உடன் பிளாக் ரூஃப் மற்றும் ஆப்பிள் க்ரீன் உடன் ஸ்டார்ரி பிளாக் ரூஃப் இந்த ஐந்து வண்ண விருப்பங்களில் இருந்து தேர்வு செய்யலாம். இது 250 க்கும் மேற்பட்ட கஸ்டமைசேஷன் விருப்பங்களில் வழங்கப்படுகிறது.
புதிய எம்ஜி காமெட் இவி ஆனது எல்இடி ஹெட்லேம்ப்ஸ் மற்றும் டெயில்லைட்ஸ், வயர்லெஸ் ஆப்பிள் கார்ப்ளே மற்றும் ஆண்ட்ராய்டு ஆட்டோ கனெக்டிவிட்டி கூடிய 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டம், ஓடீஏ அப்டேட்ஸ், இண்டெலிஜென்ட் கீ, ஸ்மார்ட் ஸ்டார்ட் சிஸ்டம், ஐ-ஸ்மார்ட் கனெக்டெட் கார் டெக்னாலஜி, ஸ்பேஸ் க்ரே இண்டீரியர் தீம், டீபீஎம்எஸ், 50:50 ஸ்ப்ளிட் ரியர் சீட் , பிரகாசமான எம்ஜி லோகோ மற்றும் வீல் கவர்ஸுடன் கூடிய 12-இன்ச் ஸ்டீல் வீல்ஸ் போன்றவை அடங்கும்.
மொழிபெயர்த்தவர்: ஐசக் தீபன்
