- நான்கு வேரியண்ட்ஸில் கிடைக்கின்றன
- இந்தியாவில் ரூ.10.96 லட்சம் ஆரம்பம் விலையில் விற்கப்படுகிறது
ஹூண்டாய் இந்தியா நிறுவனம், நாட்டில் உள்ள அதன் முழு லைன்-அப்பில் உள்ள எல்லா விலைகளையும் திருத்தியுள்ளது. இந்த பட்டியலில் மார்ச் 2023 இல் இந்தியாவில் அறிமுகப்படுத்தப்பட்ட புதிய வெர்னாவும் அடங்கி உள்ளது. சமீபத்திய விலை திருத்தத்துடன், EX வேரியண்ட்டைத் தவிர, மற்ற அனைத்து வேரியண்ட்ஸின் விலைகளும் மாறாமல் உள்ளன.
ஹூண்டாய் வெர்னா வேரியண்ட்ஸ் மற்றும் விலை உயர்வு
வெர்னாவின் ஆறாவது ஜெனரேஷன் நான்கு வேரியண்ட்ஸில் கிடைக்கிறது - EX, S, SX மற்றும் SX (O). என்ட்ரி லெவல் EX வேரியண்ட்டின் விலை இப்போது ரூ.6,600 விலை உயர்வுடன் ரூ.10.96 லட்சம் விலையில் கிடைக்கின்றன. டைட்டன் க்ரே, அபிஸ் பிளாக், அட்லஸ் ஒயிட், டைஃப்ஹூன் சில்வர், ஸ்டார்ரி நைட், ஃபையரி ரெட், டெல்லூரியன் ப்ரௌன், பிளாக் ரூஃப் உடன் அட்லஸ் ஒயிட் மற்றும் பிளாக் ரூஃப் உடன் ஃபையரி ரெட் உள்ளிட்ட ஒன்பது வண்ண விருப்பங்களிலிருந்து வாடிக்கையாளர்கள் தேர்வு செய்யலாம்.
ஹூண்டாய் வெர்னா இன்ஜின் விவரக்குறிப்புகள்
2023 வெர்னாவில் 1.5 லிட்டர் என்ஏ பெட்ரோல் மற்றும் 1.5 லிட்டர் டர்போ பெட்ரோல் இன்ஜின் பொருத்தப்பட்டுள்ளது. என்ஏ பெட்ரோலில் 113bhp மற்றும் 144Nm டோர்க்கையும், டர்போ பெட்ரோல் இன்ஜின் 158bhp மற்றும் 253Nm டோர்க்கை உருவாக்குகிறது. டிரான்ஸ்மிஷன் விருப்பங்களைப் பொறுத்தவரை, சிக்ஸ்-ஸ்பீட் மேனுவல், ஐவிடீ மற்றும் செவன்-ஸ்பீட் டிசிடீ யூனிட்டுடன் இணைக்கப்பட்டுள்ளன.
மொழிபெயர்த்தவர்: ஐசக் தீபன்
