- நான்கு வேரியன்ட்ஸில் வழங்கபடும்
- புது அம்சங்கள் மற்றும் புதிய வண்ண விருபங்களில் கிடைக்கும்
ரெனோ இந்தியா தனது அனைத்து கார்களையும் 2024 புதுப்பித்தலுடன் அறிமுகப்படுத்தியுள்ளது. இந்த மாடல்களில் க்விட், கைகர் மற்றும் ட்ரைபர் ஆகியவை அடங்கும், அவற்றின் அம்சங்களும் புதிய விலைகளுடன் மேம்படுத்தப்பட்டுள்ளன. மேலும், மிகவும் மலிவு விலையில் விற்பனையாகும் 7-சீட்டர் கொண்ட புதிய ட்ரைபர் இப்போது ரூ. 5.99 லட்சம் (எக்ஸ்-ஷோரூம்) ஆரம்ப விலையில் அறிமுகப்படுத்தப்பட்டது.
2024 ரெனோ ட்ரைபர் RXE, RXL, RXT மற்றும் RXZ ஆகிய நான்கு வேரியன்ட்ஸில் வழங்கப்படுகிறது. புதிய டிஜிட்டல் இன்ஸ்ட்ரூமென்ட் க்ளஸ்டர், வயர்லெஸ் சார்ஜர், டிரைவர் ஆர்ம்ரெஸ்ட் மற்றும் பவர்ட் ஓஆர்விஎம்கள் உள்ளிட்ட சில அம்சங்கள் கைகரிலிருந்து இந்த எம்பீவியில் எடுக்கப்பட்டுள்ளன. மேலும், புதுப்பிக்கப்பட்ட ட்ரைபர் இப்போது நிலையான வண்ண விருப்பங்களுடன் கூடுதலாக புதிய ஸ்டெல்த் பிளாக் எக்ஸ்டீரியர் நிறத்தைப் பெறுகிறது.
ட்ரைபர் தற்போதைய மாடலில் உள்ள அதே 1.0-லிட்டர் என்ஏ பெட்ரோல் இன்ஜின் மூலம் இயக்கப்படுகிறது, இது ஃபைவ்-ஸ்பீட் மேனுவல் மற்றும் ஏஎம்டீ கியர்பாக்ஸுடன் இணைக்கப்பட்டுள்ளது. இந்த இன்ஜின் 72bhp மற்றும் 96Nm டோர்க் திறனையும் உருவாக்குகிறது.
2024 ரெனோ ட்ரைபரின் புதிய வேரியன்ட் வாரியான எக்ஸ்-ஷோரூம் விலைகள் கீழே கொடுக்கப்பட்டுள்ளன.
வேரியன்ட் | எக்ஸ்-ஷோரூம் விலைகள் |
RXE எம்டீ | ரூ. 5.99 லட்சம் |
RXL எம்டீ | ரூ. 6.80 லட்சம் |
RXT எம்டீ | ரூ. 7.60 லட்சம் |
RXT ஏடீ | ரூ. 8.12 லட்சம் |
RXZ எம்டீ | ரூ. 8.22 லட்சம் |
RXZ ஏடீ | ரூ. 8.74 லட்சம் |