- இதை பெட்ரோல் மற்றும் டீசல் என இரண்டிலும் வாங்கலாம்
- இது ஒரு புதிய 11.4 இன்ச் பிவி ப்ரோ இன்ஃபோடெயின்மென்ட் சிஸ்டத்தை கொண்டிருக்கும்
ஜெஆர்எல் இந்தியா லேண்ட் ரோவர் டிஸ்கவரி ஸ்போர்ட்டின் 2024 வெர்ஷன்னை இந்தியாவில் லான்ச் செய்தது. இந்த சொகுசு எஸ்யுவி ரூ. 67.90 லட்சம் (எக்ஸ்-ஷோரூம்) விலையில் பெட்ரோல் மற்றும் டீசல் ஆகிய இரண்டு வேரியன்ட்டிலும் வாங்கலாம்.
டிசைன் மற்றும் ஸ்டைலிங் பற்றி பேசுகையில், லேண்ட் ரோவர் புதுப்பிக்கப்பட்ட டிஸ்கவரி ஸ்போர்ட்டின் வெளிப்புறத்தில் நிறைய மாற்றங்களைச் செய்துள்ளது. இது இப்போது ஃப்ரண்ட்டில் ஃபுல் க்ளோஸ் பிளாக் கிரில், புதிதாக வடிவமைக்கப்பட்ட எல்இடி ஹெட்லேம்ப்ஸ், டெயில்லேம்ப்ஸ் மற்றும் புதிய 21-இன்ச் அலோய் வீல்ஸை இது பெறுகிறது.
இந்த புதிய சொகுசு எஸ்யுவிக்குள் நுழைந்தவுடன், காரின் இன்டீரியரில் நீங்கள் கவனிக்கும் மிகப்பெரிய மாற்றம் அதன் 11.4-இன்ச் பிவி ப்ரோ இன்ஃபோடெயின்மென்ட் ஸ்கிரீன் ஆகும். மேலும் மொபைலை இணைப்பதோடு, அலெக்சா வாய்ஸ் அசிஸ்ட் போன்ற வசதிகளும் உள்ளன. லேண்ட் ரோவர் டிஸ்கவரி ஸ்போர்ட் ஃபுல்லி டிஜிட்டல் இன்ஸ்ட்ரூமென்ட் க்ளஸ்டர், புதிய கியர் செலக்டர், மூன்றாவது வரிசைக்கான க்ளைமேட் கன்ட்ரோல், 3D சரவுண்ட் வியூ கேமரா மற்றும் கிளியர்சைட் கிரவுண்ட் வியூ மற்றும் ரியர்வியூ மிரர் போன்ற அம்சங்களை இது பெறுகிறது.
2024 லேண்ட் ரோவர் டிஸ்கவரி இன்ஜின் விவரங்கள்
டிஸ்கவரி ஸ்போர்ட் 2.0 லிட்டர் பெட்ரோல் மற்றும் 2.0 லிட்டர் டீசல் இன்ஜின் என இரண்டு இன்ஜின் விருப்பங்களில் வாங்கலாம். பெட்ரோல் இன்ஜின் 245bhp மற்றும் 365Nm டோர்க்கையும், டீசல் இன்ஜின் 201bhp மற்றும் 430Nm டோர்க்கையும் உற்பத்தி செய்கிறது. இந்த மாடல் ஆட்டோமேட்டிக் கியர்பாக்ஸுடன் இணைக்கப்பட்டுள்ளது மற்றும் ஆல் வீல் டிரைவ் சிஸ்டத்துடன் வருகிறது.
ஜெஎல்ஆர் இந்தியாவின் நிர்வாக இயக்குநர் ராஜன் அம்பா, “புதிய டிஸ்கவரி ஸ்போர்ட் பிரமிக்க வைக்கும் வடிவமைப்பைக் கொண்டுள்ளது. 'அதன் நவீன, கச்சிதமான எஸ்யுவி தோற்றம் மற்றும் அதிநவீன டெக்னாலஜி உடன் கூடிய இன்டீரியர் மார்க்கெட்டில் மிகவும் வசதியான மற்றும் பாதுகாப்பான கார்களில் ஒன்றாக ஆக்குகின்றன' என்று அவர் கூறினார்.
