தற்போது, இந்தியாவில் தொடர்ந்து பவர்ஃபுல் கார்ஸின் எண்ணிக்கை அதிகரித்து வருகிறது. நீங்கள் உங்கள் பட்ஜெட்டில் சிறந்த டர்போ-பெட்ரோல் காரை வாங்க விரும்பினால், இந்தக் கட்டுரை உங்களுக்கானது, இதில் ரூ. 15 லட்சத்தில் உள்ள டாப் 5 டர்போ-பெட்ரோல் கார்ஸைப் பற்றி நாங்கள் உங்களுக்குச் சொல்லப் போகிறோம்.
ஹூண்டாய் i20 N லைன்
i20 N லைன் இந்தியாவில் முதன்முதலில் 2021 இல் அறிமுகப்படுத்தப்பட்டது, இப்போது புதிய ஃபேஸ்லிஃப்ட் எடிஷனும் வந்துள்ளது. இதில் 1.0 லிட்டர் டீஜிடிஐ பெட்ரோல் இன்ஜின், சிக்ஸ்-ஸ்பீட் மேனுவல் மற்றும் செவன்-ஸ்பீட் டூயல் கிளட்ச் டிரான்ஸ்மிஷனுடன் இணைக்கப்பட்டுள்ளது. இது 118bhp மற்றும் 172Nm டோர்க் திறனையும் உருவாக்குகிறது. ஹூண்டாய் i20N லைன் இரண்டு வேரியண்ட்ஸில் கிடைக்கிறது, இது ரூ. 9.99 லட்சம், எக்ஸ்-ஷோரூம் ஆரம்ப விலையில் கிடைக்கின்றன.
மஹிந்திரா XUV300 டர்போஸ்போர்ட்
மஹிந்திரா தனது என்ட்ரி லெவல் எஸ்யுவி XUV300 டர்போஸ்போர்ட் அக்டோபர் 2022 இல் அறிமுகப்படுத்தப்பட்டது. இதில் 1.2 லிட்டர் எம்ஸ்டாலியன் டீஜிடிஐ பெட்ரோல் இன்ஜின் உள்ளது, இது 128bhp மற்றும் 250Nm டோர்க்கை உற்பத்தி செய்கிறது. இது சிக்ஸ்-ஸ்பீட் மேனுவல் மற்றும் சிக்ஸ்-ஸ்பீட் ஆட்டோமேட்டிக் யூனிடுடன் இணைக்கப்பட்டுள்ளது. இந்த எஸ்யுவி கார்வாலே குழுவால் டெஸ்ட் செய்யப்பட்டது, மேலும் இது 10.27 வினாடிகளில் 0-100 வரை வேகமெடுக்கும். இது நான்கு வேரியண்ட்ஸில் வழங்கப்படுகிறது, இதன் விலை ரூ. 9.30 லட்சம் (எக்ஸ்-ஷோரூம்) முதல் தொடங்குகிறது.
ஹூண்டாய் வென்யூ N லைன்
i20 N லைனைப் போலவே, வென்யூ N லைனும் ஸ்டாண்டர்ட் வென்யூவை விட சக்திவாய்ந்த கார் ஆகும். இது 1.0-லிட்டர், த்ரீ சிலிண்டர், டர்போ-பெட்ரோல் இன்ஜினை கொண்டது, இது சிக்ஸ்-ஸ்பீட் மேனுவல் மற்றும் டிசிடீ கியர்பாக்ஸுடன் இணைக்கப்பட்டுள்ளது. இதில் BS6 ஃபேஸ் 2 இணக்கமான இன்ஜின் உள்ளது, இது 118bhp மற்றும் 172Nm டோர்க்கையும் உருவாக்குகிறது. இந்த எஸ்யுவி N6 மற்றும் N8 ஆகிய இரண்டு ட்ரிம்ஸில் கிடைக்கிறது, இதன் ஆரம்ப எக்ஸ்ஷோரூம் விலை ரூ. 12.08 லட்சம்.
மாருதி சுஸுகி ஃப்ரோன்க்ஸ்
இந்த ஆண்டு ஏப்ரலில் பூஸ்டர்ஜெட் இஜினுடன் கூடிய ஃப்ரண்ட் கிராஸ்ஓவரை மாருதி சுஸுகி அறிமுகப்படுத்தியது. இது 1.0-லிட்டர், த்ரீ-சிலிண்டர், டர்போ-பெட்ரோல் இன்ஜினுடன் வருகிறது, இது 99bhp மற்றும் 147Nm டோர்க்கை உருவாக்குகிறது. இது மூன்று வேரியண்ட்ஸில் கிடைக்கிறது, ஃபைவ்-ஸ்பீட் மேனுவல் மற்றும் சிக்ஸ்-ஸ்பீட் ஆட்டோமேட்டிக் டோர்க் கன்வர்ட்டர் யூனிடுடன் இணைக்கப்பட்டுள்ளது. மாருதி சுஸுகி ஃப்ரோன்க்ஸின் டர்போ-பெட்ரோல் வேரியண்ட்டின் விலை ரூ. 9.72 லட்சத்தில் (எக்ஸ்-ஷோரூம்) தொடங்குகிறது.
சிட்ரோன் C3 டர்போ
1.2 லிட்டர், த்ரீ சிலிண்டர், டர்போ-பெட்ரோல் இன்ஜினுடன் வரும் சிட்ரோன் C3 இந்த பட்டியலில் உள்ள மிகவும் சக்திவாய்ந்த ஹேட்ச்பேக்ஸில் ஒன்றாகும். இது ப்யூர்டெக் 110 இன்ஜின் சிக்ஸ்-ஸ்பீட் மேனுவல் கியர்பாக்ஸுடன் இணைக்கப்பட்டு 109bhp மற்றும் 190Nm டோர்க் திறனையும் உற்பத்தி செய்கிறது. C3 இன் இந்த டர்போ இன்ஜின் ஃபீல் மற்றும் ஷைன் வேரியண்ட்ஸில் கொடுக்கப்பட்டுள்ளது, இது ரூ. 8.28 லட்சம் (எக்ஸ்-ஷோரூம்) விலையிலிருந்து தொடங்குகிறது.
மொழிபெயர்த்தவர்: ஐசக் தீபன்