- காவேரி இசுஸுவால் இயக்கப்பட்டு நிர்வகிக்கப்படுகிறது
- திருச்சியில் திறக்கபட்டுள்ளது
தமிழ்நாட்டில் திருச்சியில் புதிய 3S வசதியை துவக்கியதன் மூலம், இசுஸு மோட்டார்ஸ் இந்தியா தனது கால்தடத்தை நாட்டில் வலுப்படுத்தியுள்ளது. திருவானைக்கோவில், சென்னை பை பாஸ் ரோடு, கொள்ளிடம் பாலம் அருகே அமைந்துள்ள புதிய கஸ்டமர் டச் பாயின்ட் இதில் சேல்ஸ், சர்வீஸ் மற்றும் ஸ்பேர் பார்ட்ஸ் தேவைகளைப் பூர்த்தி செய்யும்.
இந்த அறிமுகத்திர்க்கு பிறகு, தமிழ்நாடு மாநிலத்தில் உள்ள பிராண்டின் நெட்வொர்க் சென்னை, மதுரை மற்றும் கோயம்புத்தூர் ஆகிய நான்கு இடங்களில் நிறுவப்பட்டுள்ளது. தற்போது, இசுஸு தயாரிப்பாளர் MU-X, V-கிராஸ், ஹை-லேன்டர், S-கேப் Z, S-கேப் மற்றும் D-மேக்ஸ் உள்ளிட்ட ஆறு எஸ்யுவிகள் மற்றும் பிக்கப்களை நாட்டில் விற்பனை செய்யப்பட்டு வருகிறது.
இசுஸு மோட்டார்ஸ் இந்தியாவின் துணைத் தலைவரான யசுஹிட்டோ கோண்டோ கருத்துத் தெரிவிக்கையில், “நாடு முழுவதும் எங்கள் வலையமைப்பை மூலோபாய ரீதியாக விரிவுபடுத்தும் அதே வேளையில், எங்கள் வாடிக்கையாளர்களுக்கு எங்கள் அணுகலை அதிகரிக்க அதிக டீலர் அவுட்லெட்டுகளுடன் ஒவ்வொரு சந்தையிலும் எங்கள் இருப்பை வலுப்படுத்துகிறோம். தனிப்பட்ட பிரிவு மற்றும் குறிப்பாக தொழில்துறை, விவசாயம் மற்றும் வர்த்தக வணிகங்களில் பயன்பாடு சார்ந்த பிரிவுகளில், பிராந்தியத்தில் எங்கள் தயாரிப்புகளுக்கான அபரிமிதமான திறனை நாங்கள் காண்கிறோம். இசுஸு D-மேக்ஸ் ரேஞ்சின் பிக்-அப் டிரக்குகள் இந்தப் பிரிவுகளின் பல்வேறு தேவைகளைப் பூர்த்தி செய்து, எங்கள் வாடிக்கையாளர்களின் வணிகங்களுக்கு மதிப்பு சேர்க்கும் என்று நாங்கள் நம்புகிறோம். காவேரி இசுஸு அவர்களின் வலுவான விற்பனை மற்றும் சேவை ஆதரவுக்காக நன்கு அறியப்பட்டதால், காவேரி இசுஸு உடன் கூட்டாளியாக இருப்பதில் நாங்கள் மகிழ்ச்சியடைகிறோம்.
மொழிபெயர்த்தவர்: ஐசக் தீபன்
