- இதன் விலை ரூ. 16.82 லட்சத்தில் இருந்து தொடங்குகிறது
- இதில் 1.5 லிட்டர் டர்போ பெட்ரோல் இன்ஜின் கொடுக்கப்பட்டுள்ளது
ஹூண்டாய் இந்தியா தனது N லைன் சீரிஸின் மிகவும் எதிர்பார்க்கப்பட்ட மாடலான க்ரெட்டா N-லைனை இந்த வாரம் நாட்டில் அறிமுகப்படுத்தியது. க்ரெட்டா எஸ்யுவியின் இந்த வெர்ஷன் N8 மற்றும் N10 ஆகிய இரண்டு வேரியன்ட்ஸில் ரூ. 16.82 லட்சம் (எக்ஸ்-ஷோரூம்) ஆரம்ப விலையில் கிடைக்கிறது. இந்தக் கட்டுரையில் க்ரெட்டா என் லைனின் மைலேஜ் விவரங்கள் பற்றி சொல்லப் போகிறோம்.
க்ரெட்டா N லைன் எஸ்யுவியில் 1.5 லிட்டர் டர்போ பெட்ரோல் இன்ஜின் உள்ளது, இது 158bhp மற்றும் 253Nm டோர்க்கையும் உருவாக்குகிறது. இந்த டீ-ஜிடிஐ இன்ஜின் சிக்ஸ்-ஸ்பீட் மேனுவல் மற்றும் செவன்-ஸ்பீட் டிசிடீ கியர்பாக்ஸுடன் இணைக்கப்பட்டுள்ளது.
இப்போது கார் தயாரிப்பாளர் இந்த எஸ்யுவியின் ஏஆர்ஏஐ (ARAI) சான்றளிக்கப்பட்ட மைலேஜை வெளிப்படுத்தியுள்ளது, இதில் மேனுவல் வெர்ஷன் லிட்டருக்கு 18 கிமீ மற்றும் ஆட்டோமேட்டிக் வெர்ஷன் லிட்டருக்கு 18.2 கிமீ மைலேஜையும் வழங்குகிறது. இருப்பினும், டர்போ-பெட்ரோல் இன்ஜினுடன் கூடிய ஸ்டாண்டர்ட் க்ரெட்டா டிசிடீ கியர்பாக்ஸுடன் லிட்டருக்கு 18.4 கிமீ மைலேஜை வழங்குகிறது.
மொழிபெயர்த்தவர்: ஐசக் தீபன்
