- పెట్రోల్ మరియు సిఎన్‍జి పవర్‌ట్రెయిన్‌ ఆప్షన్లలో లభిస్తున్న మోడల్
- కొత్త 16-ఇంచ్ అల్లాయ్ వీల్స్ తోట్వీక్డ్ ఫ్రంట్ ఫాసియాను పొందిన కొత్త మోడల్
టయోటా ఇండియా దేశవ్యాప్తంగా ఎంతగానో ఎదురుచూస్తున్న మారుతి సుజుకి ఫ్రాంక్స్ బేస్డ్ క్రాస్‌ఓవర్, టైజర్‌ను నేడే అధికారికంగా ఆవిష్కరించింది. దీని ప్రారంభ ధర రూ.7.73 లక్షలు (ఎక్స్-షోరూం) నుంచి ప్రారంభమైంది. దీని బేస్ వేరియంట్ ధర రూ. 7.73 లక్షలు (ఎక్స్-షోరూం) ఉండగా, టాప్ వేరియంట్ ధర రూ.13.03 లక్షలుగా (ఎక్స్-షోరూం) ఉంది. కస్టమర్లు దీనిని 5 వేరియంట్లలో మరియు 8 కలర్లలో పొందవచ్చు. ఆసక్తి కలిగిన కస్టమర్లు దీనిని నేటి నుంచే బుక్ చేసుకోవచ్చు. అలాగే వీటి డెలివరీ వచ్చే నెల నుంచి ప్రారంభమవుతుంది.
ఇప్పుడు టయోటా టైజర్ కొత్త ఎల్ఈడీ డీఆర్ఎల్స్ మరియు రీడిజైన్డ్ గ్రిల్‌ రెడ్ కలర్ ఫినిషింగ్ తో వచ్చింది. కారు ముందు భాగంలో అచ్చంమారుతి డిజైన్ ని పోలి ఉండేలా, టైజర్ రివైజ్డ్ ఫ్రంట్ మరియు రియర్ బంపర్ ఫీచర్, అప్‌డేటెడ్ ఎల్ఈడీ హెడ్‌ల్యాంప్స్, రీడిజైన్డ్ టెయిల్‌ల్యాంప్స్ మరియు కొత్త ప్రొఫైల్‌తో కూడిన 16-ఇంచ్ అల్లాయ్ వీల్స్‌ను పొందింది.
ఫీచర్ల విషయానికి వస్తే, టైజర్ లో చాలా అద్బుతమైన ఫీచర్లను టయోటా అందించింది. ఈ లిస్టును చూస్తే, ఫ్రాంక్స్ కారు లాగా ఫీచర్-రిచ్‌గా ఉంది. ఇందులో వైర్‌లెస్ స్మార్ట్‌ఫోన్ కనెక్టివిటీ, డిజిటల్ ఇన్‌స్ట్రుమెంట్ క్లస్టర్, 360-డిగ్రీ సరౌండ్ కెమెరా, హెడ్-అప్ డిస్‌ప్లే, ఆటోమేటిక్ క్లైమేట్ కంట్రోల్, వైర్‌లెస్ ఛార్జర్ మరియు యాంబియంట్ లైటింగ్‌తో కూడిన పెద్ద ఇన్ఫోటైన్‌మెంట్ స్క్రీన్‌ వంటి ఫీచర్స్ ఉన్నాయి. సేఫ్టీ పరంగా, టైజర్ లో 6 ఎయిర్ బ్యాగ్స్, ఎబిఎస్, ఎలక్ట్రానిక్ స్టెబిలిటీ ప్రోగ్రాం, హిల్ హోల్డ్ అసిస్ట్ మరియు ఐసోఫిక్స్ వంటి సేఫ్టీ ఫీచర్లను కలిగి ఉంది.
మెకానికల్‍గా, టైజర్ కూడా ప్రస్తుతం ఫ్రాంక్స్ లాగానే అదే పవర్‌ట్రెయిన్‌ని కొనసాగిస్తుంది. ముందుగా మేము ఊహించిన విధంగానేటైజర్ మోడల్ సిఎన్‍జి ఆప్షన్ తో పాటుగా 1.0-లీటర్ టర్బో పెట్రోల్ మోటారు మరియు 1.2-లీటర్ పెట్రోల్ ఇంజిన్ తో వచ్చింది.టయోటా టైజర్ మారుతి ఫ్రాంక్స్, మహీంద్రా XUV300, కియా సోనెట్, నిస్సాన్ మాగ్నైట్, కియా కిగర్, మహీంద్రా XUV300 మరియు సెగ్మెంట్‌లోని హ్యుందాయ్ వెన్యూ వంటి వాటికి పోటీగా ఉంది.
| ఇంజిన్ టైప్ | వేరియంట్ | ఎక్స్-షోరూం ధర |
| 1.2-లీటర్ పెట్రోల్ ఇంజిన్ | E ఎంటి | రూ.7.73 లక్షలు |
| E ఎంటి సిఎన్‍జి | రూ. 8.71 లక్షలు | |
| S ఎంటి | రూ. 8.59 లక్షలు | |
| S ఎఎంటి | రూ. 9.12 లక్షలు | |
| S+ ఎంటి | రూ. 8.99 లక్షలు | |
| S+ ఎఎంటి | రూ. 9.52 లక్షలు | |
| 1.0-లీటర్ పెట్రోల్ ఇంజిన్ | G ఎంటి | రూ. 10.55 లక్షలు |
| G ఎటి | రూ. 11.95 లక్షలు | |
| V ఎంటి | రూ.11.47 లక్షలు | |
| V ఎటి | రూ. 12.87 లక్షలు | |
| V ఎంటి డ్యూయల్-టోన్ | రూ. 11.63 లక్షలు | |
| V ఎటి డ్యూయల్-టోన్ | రూ. 13.03 లక్షలు |
