- 4 వేరియంట్లలో లభ్యం
- 28.06కిమీ/కేజీ క్లెయిమ్డ్ మైలేజీని అందిస్తున్న కొత్త మోడల్
టాటా మోటార్స్ ఇండియాలో టియాగో సిఎన్జి ఎఎంటిని రూ. 7.90 లక్షల ప్రారంభ ధరతో అధికారికంగా లాంచ్ చేసింది. ఇంకో ఆసక్తికరమైన విషయం ఏంటి అంటే, దీంతో పాటుగా టాటా కంపెనీ టిగోర్ సిఎన్జి ఆటోమేటిక్ ని రూ.8.85 లక్షలు (అన్ని ధరలు, ఎక్స్-షోరూం) ధరతో పరిచయం చేసింది.
టాటా టియాగో సిఎన్జి ఎఎంటి XTA, XZA+, XZA+ డ్యూయల్-టోన్, మరియు XZA NRG అనే నాలుగు వేరియంట్లలో అందుబాటులోకి వచ్చింది. ఈ వెర్షన్ లో టాటా కంపెనీ కొత్త టోర్నడో బ్లూ కలర్ ని తీసుకురాగా, ఇది 28.06కిమీ/కేజీ క్లెయిమ్డ్ మైలేజీని అందిస్తుంది. అదనంగా, సిఎన్జి ఎఎంటిలో టియాగో NRG వేరియంట్ కొత్త గ్రాస్ ల్యాండ్ బీజ్ కలర్ ని పొందింది.
టియాగో సిఎన్జి ఎఎంటి 1.2-లీటర్, 3-లీటర్, రెవోట్రాన్ పెట్రోల్ ఇంజిన్ 5-స్పీడ్ ఎఎంటి యూనిట్ తో జతచేయబడి వచ్చింది. పెట్రోల్ మోడ్ లో, ఈ కారు 85bhp పవర్ మరియు 113Nm టార్కును ఉత్పత్తి చేస్తుంది, అదే విధంగా సిఎన్జి మోడ్ లో 72bhp పవర్ మరియు 95Nm టార్కును మాత్రమే జనరేట్ చేస్తుంది.
టియాగో సిఎన్జి ఎఎంటి యొక్క వేరియంట్ వారీ ధరలు క్రింది విధంగా ఉన్నాయి (అన్ని ధరలు, ఎక్స్-షోరూమ్):
| వేరియంట్ | ధర |
| టియాగో సిఎన్జి XTA | రూ. 7.90 లక్షలు |
| టియాగో సిఎన్జి XZA+ | రూ. 8.80 లక్షలు |
| టియాగో సిఎన్జి XZA+ డ్యూయల్-టోన్ | రూ. 8.90 లక్షలు |
| టియాగో సిఎన్జి XZA NRG | రూ. 8.80 లక్షలు |
