అక్టోబర్ 2023లో 24,351 యూనిట్స్ ఉత్పత్తి చేసిన కియా ఇండియా

• 12,362 యూనిట్స్ ఉత్పత్తితో బెస్ట్ సెల్లర్‌గా నిలిచిన సెల్టోస్
• 4. 41 శాతం వార్షిక వృద్ధిని నమోదు చేసిన కియా

అక్టోబర్ 2023లో కియా ఇండియా 24,351 యూనిట్ల అమ్మకాలను రిపోర్ట్ చేసింది. ఈ బ్రాండ్ రిపోర్ట్ ప్రకారం, పండుగ సీజన్ మరియు కియా నుంచి వచ్చిన కొత్త సెల్టోస్ అమ్మకాలు పెరగడంతో బలమైన వృద్ధి తోడవడంతో 4.41 శాతం వార్షిక వృద్ధి రేటును నమోదు చేసింది. ఈ అంకెలను పోల్చి చూస్తే గత ఏడాది అక్టోబర్‌ కాలంలో కంపెనీ మొత్తం 23,323 యూనిట్లను విక్రయించినట్లు కియా ఇండియా వెల్లడించింది.

ఈ కార్ అమ్మకాల అంకెలను చూస్తే, సెల్టోస్ 12,362 యూనిట్స్ సేల్స్ ని నమోదు చేసి, ఈ కార్ మేకర్ బెస్ట్ సెల్లర్‌గా నిలిచింది. దీని తర్వాత 6,493 యూనిట్ సేల్స్ తో సోనెట్, ఆపై 5,355 యూనిట్లతో కారెన్స్ తర్వాతి స్థానాల్లో నిలిచాయి. దీనికి అదనంగా, దేశీయ మార్కెట్లో 141 యూనిట్ల ఈవీ6 లను విక్రయించినట్లు కియా ఇండియా వెల్లడించింది.

ప్రస్తుత సంవత్సరం 2023లో, కియా అక్టోబర్ 2023 వరకు 2,19,702 యూనిట్లను విక్రయించింది. సెల్టోస్ 83,250 యూనిట్ల అమ్మకాలను అందించగా, సోనెట్ మరియు కారెన్స్ వరుసగా 73,333 మరియు 60,817 యూనిట్ల అమ్మకాలను అందించాయి. ప్రస్తుతం, ఈ బ్రాండ్ సోనెట్ ఫేస్‌లిఫ్ట్‌పై పని చేస్తోంది, దీని లాంచ్ వచ్చే నెలలో జరగనుండగా, దాని కంటే ముందే దీని స్పై పిక్చర్స్ వెబ్‌లో కనిపించాయి.

ఈ సందర్భంగా కియా ఇండియా సేల్స్ అండ్ మార్కెటింగ్ నేషనల్ హెడ్ హర్దీప్ సింగ్ బ్రార్ మాట్లాడుతూ, 'పండుగ సీజన్‌లో, మా కస్టమర్ల సానుకూల దృక్పథం భారతదేశంలో మా ఉత్పత్తుల్లో నాల్గవ అత్యధిక నెలవారీ అమ్మకాలను సాధించడంలో మాకు సహాయపడింది. సెల్టోస్, సోనెట్ మరియు కారెన్‌లు తమ విభాగంలో ఆధిపత్యాన్నికొనసాగిస్తున్నాయి, పోటీలో అనేక కొత్త లాంచ్‌లు ఉన్నప్పటికీ, ఇది ఒక పెద్ద సాఫల్యం, రాబోయే నెలల్లో కూడా అదే జోరును కొనసాగించేందుకు మేము కృషి చేస్తున్నాము. అని పేర్కొన్నారు.

అనువాదించిన వారు: రాజపుష్ప