- హోండా సిటీపై లభిస్తున్న అత్యధిక డిస్కౌంట్
- 31 మార్చి 2024 వరకే మాత్రమే అందుబాటులో ఉన్న ఆఫర్స్
మార్చి 2024లో హోండా కంపెనీ దాని అన్ని మోడల్స్ పై రూ. 1,19,500 వరకు భారీ డిస్కౌంట్స్ అందిస్తుంది. ఇది వరకే మేము హోండా ఎలివేట్ పై లభిస్తున్న డిస్కౌంట్స్ గురించి మీకు వివరించాము. ఇప్పుడు ఈ ఆర్టికల్ లో సిటీ మరియు అమేజ్ మోడల్స్ పై లభిస్తున్న డిస్కౌంట్స్ గురించి మీకు వివరించబోతున్నాము. ఈ డిస్కౌంట్స్ 31 మార్చి, 2024 వరకు అమలులో ఉంటుండగా, ఇవి డీలర్‌షిప్, లొకేషన్, వేరియంట్, కలర్, పవర్‌ట్రెయిన్ మరియు ఇతర అంశాలను బట్టి మారే అవకాశం ఉంది.
హోండా సిటీపై ఎంత డిస్కౌంట్ లభిస్తుంది ?
ప్రస్తుత నెలలో హోండా కంపెనీ దాని పోర్ట్ ఫోలియోలో అన్ని మోడల్స్ కంటే హోండా సిటీపై అత్యధిక డిస్కౌంట్స్ అందిస్తుంది. హ్యుందాయ్ వెర్నాతో పోటీ పడుతున్న దీనిని కొనుగోలు చేయాలని ప్లాన్ చేస్తున్న కస్టమర్లకు సుమారుగా రూ. 1.19 లక్షల వరకు డిస్కౌంట్స్ లభిస్తాయి. ఇందులో రూ. 30,000 వరకు క్యాష్ డిస్కౌంట్, రూ. 15,000 వరకు ఎక్స్ఛేంజ్ బోనస్, మరియు రూ. 4,000 వరకు లాయల్టీ బోనస్ ఉన్నాయి. అంతే కాకుండా, రూ.6,000 హోండా కార్ ఎక్స్ఛేంజ్ బోనస్, రూ.8,000 కార్పొరేట్ డిస్కౌంట్, రూ. 20,000 స్పెషల్ కార్పొరేట్ డిస్కౌంట్, రూ.36,500 స్పెషల్ ఎడిషన్ బెనిఫిట్, మరియు 4 నుండి 5 సంవత్సరాల వరకు రూ. 13,651 విలువ చేసే కాంప్లిమెంటరీ వారంటీ పొడిగింపు కూడా లభిస్తాయి.
హోండా అమేజ్ పై ఎంత డిస్కౌంట్ లభిస్తుంది ?
మరోవైపు, హోండా కంపెనీ అమేజ్ పై రూ.90,000 వరకు డిస్కౌంట్స్ అందిస్తుంది. ఇందులో రూ. 35,000 వరకు క్యాష్ డిస్కౌంట్, రూ. 20,000 స్పెషల్ కార్పొరేట్ డిస్కౌంట్, రూ.10,000 వరకు హోండా కార్ ఎక్స్ఛేంజ్ బోనస్, రూ.6,000 కార్పొరేట్ డిస్కౌంట్, రూ. 4,000 లాయల్టీ బోనస్, రూ.30,000 స్పెషల్ ఎడిషన్ బెనిఫిట్ ఉన్నాయి.
అనువాదించిన వారు: సంజయ్ కుమార్
