- மார்ச் 11 அன்று இந்தியாவில் க்ரெட்டா என் லைன் விலை அறிவிக்கப்படும்
- புதிய க்ரெட்டா மாடல் 1.5 லிட்டர், டர்போ-பெட்ரோல் இன்ஜினுடன் வரலாம்
ஹூண்டாய் இந்தியா க்ரெட்டா N லைன்னை மார்ச் 11 ஆம் தேதி லான்ச் செய்ய தயாராக உள்ளது, ஆனால் அதற்கு முன்னதாக புதிய க்ரெட்டா N லைனுக்கான முன்பதிவுகளை ஹூண்டாய் திறந்துள்ளது. ஆர்வமுள்ள வாடிக்கையாளர்கள் இந்த காரை முன்பதிவு தொகையாக வெறும் ரூ. 25,000 செலுத்தி முன்பதிவு செய்யலாம்.
இந்த ஆண்டு நாங்கள் பிரத்தியேகமாக அறிவித்தபடி, புதிய ஹூண்டாய் க்ரெட்டா N லைன் N8 மற்றும் N10 ஆகிய இரண்டு வேரியன்ட்ஸில் வழங்கப்படும். வண்ணங்களைப் பொறுத்தவரை, அபிஸ் பிளாக் பேர்ல், அட்லஸ் ஒயிட் மற்றும் டைட்டன் க்ரே மேட் வண்ணங்களில் வரும். இது அட்லஸ் ஒயிட், ஷாடோ க்ரே மற்றும் தண்டர் ப்ளூ போன்ற டூயல்-டோன் கலரிலும் வருகிறது, இவை அனைத்தும் அபிஸ் பிளாக் ரூஃபுடன் வழங்கப்படும்.
2024 க்ரெட்டா N லைன் 1.5-லிட்டர், ஃபோர்-சிலிண்டர், டர்போ-பெட்ரோல் இன்ஜின் 158bhp மற்றும் 253Nm டோர்க்கை உற்பத்தி செய்கிறது. இந்த மோட்டார் தற்போது ஸ்டாண்டர்ட் க்ரெட்டாவில் செவன்-ஸ்பீட் டிசிடீ யூனிட்டுடன் மட்டுமே வழங்கப்படுகிறது. இது 6-ஸ்பீடு மேனுவல் டிரான்ஸ்மிஷனுடன் வழங்கப்படுகிறது. வழக்கமான வெர்ஷனோடு ஒப்பிடுகையில் இது எவ்வளவு சிறப்பு வாய்ந்தது என்பதை அறிய, எங்கள் கார்வாலே வெப்சைட்டில் க்ரெட்டா N லைனின் முழு விவரங்களையும் படிக்கலாம்.
மொழிபெயர்த்தவர்: ஐசக் தீபன்
