- మరి కొన్నినెలల్లో లాంచ్ కానున్న గ్లోస్టర్ ఫేస్‌లిఫ్ట్
- సరికొత్త ఎక్స్‌టీరియర్ డిజైన్ లోరానున్న ఫేస్‌లిఫ్ట్
ఎంజి మోటార్ ఇండియా ఫేస్‌లిఫ్టెడ్ గ్లోస్టర్ లాంచ్ కానుండగా, దానికంటే ముందే ఇండియాలో ఫేస్‌లిఫ్టెడ్ గ్లోస్టర్‌ను టెస్టింగ్ చేస్తూనే ఉంది. ఇది మరి కొన్ని నెలల్లో లాంచ్ కానుంది. ఇది లాంచ్ అయిన తర్వాత, ఈ అప్‌డేటెడ్ మూడు-వరుసల ఎస్యూవీ స్కోడా కొడియాక్, టయోటా ఫార్చూనర్ మరియు జీప్ మెరిడియన్‌లకు పోటీగా కొనసాగుతుంది.
ఇక్కడ చిత్రాలలో చూసినట్లుగా, గ్లోస్టర్ ఫేస్‌లిఫ్ట్ టెస్ట్ మ్యూల్ తో భారీగా కప్పబడి ఉండగా, తద్వారా అనేక కీలక వివరాలను దాచి ఉంచింది. ఇక్కడ కనిపించే కొన్ని అంశాలలో సరికొత్త హెడ్‌ల్యాంప్స్ తో అప్‌డేట్ చేయబడిన ఫాసియా, సమాంతర (నేరుగా)స్లాట్స్ తో కూడిన కొత్త గ్రిల్ మరియు ట్రయాంగులర్ ఇన్సర్ట్‌లతో కూడిన ట్వీక్డ్ బంపర్ మరియు ఇరువైపులా రెండు స్లాట్స్ వంటివి ఉన్నాయి. సైడ్ ప్రొఫైల్ లో కొత్త అల్లాయ్ వీల్స్, రీడిజైన్ చేయబడిన రియర్ బంపర్ మరియు టెయిల్‌గేట్ మరియు కొత్త సెట్ ఎల్ఈడీ టెయిల్ లైట్స్ వంటి బెనిఫిట్స్ పొందవచ్చు.
లోపల వైపు, గ్లోస్టర్ ఫేస్‌లిఫ్ట్ అవుట్‌గోయింగ్ వెర్షన్ మాదిరిగానే ఫీచర్లను పొందుతుందని భావిస్తున్నాం. దీనిలో భాగంగా, లెవల్-2 ఏడీఏఎస్ సూట్, పనోరమిక్ సన్‌రూఫ్, 360-డిగ్రీ కెమెరా, పవర్డ్ మరియు వెంటిలేటెడ్ ఫ్రంట్ సీట్స్ మరియు పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్ ఉన్నాయి.
హుడ్ కింద, 2024 గ్లోస్టర్ సింగిల్ టర్బో మరియు ట్విన్-టర్బో మోడల్స్ లో అదే 2.0-లీటర్ డీజిల్ ఇంజిన్‌తో వస్తుందని భావిస్తున్నాం. అలాగే, ఎస్యూవీ యొక్క ప్రస్తుత ఇటరేషన్ స్టాండర్డ్ గా ఎనిమిది-స్పీడ్ ఆటోమేటిక్ ట్రాన్స్‌మిషన్ తో రాబోతుంది.
అనువాదించిన వారు: రాజపుష్ప
