- తొమ్మిది వేరియంట్లలో లభ్యం
- 15 మే, 2024 నుంచి బుకింగ్స్ ప్రారంభం
మహీంద్రా కంపెనీ మొత్తానికి సబ్-ఫోర్ మీటర్ ఎస్‍యూవీ సెగ్మెంట్‌లో తాజాగా చేరిన XUV 3XO ధరలను వెల్లడించింది. XUV 300 ఫేస్‌లిఫ్టెడ్ వెర్షన్ గా వచ్చిన XUV 3XO మోడల్ తొమ్మిది వేరియంట్లలో రూ. 7.49 లక్షలు (ఎక్స్-షోరూమ్) ప్రారంభ ధరతో లాంచ్ అయ్యింది. వీటి బుకింగ్స్ మే 15, 2024 నుంచి ప్రారంభం కానుండగా, డెలివరీ మే 26వ తేదీ నుంచి ప్రారంభమవుతుంది.
ఆల్-న్యూ మహీంద్రా XUV 3XO మోడల్, MX1, MX2, MX2 ప్రో, MX3, MX3 ప్రో, AX5, AX5 L, AX7 మరియు AX7L అనే తొమ్మిది వేరియంట్లలో లభిస్తుంది. ఇంకా కాలే ఆప్షన్స్ విషయానికొస్తే, కస్టమర్లు వీటిని 16 మోనోటోన్ మరియు డ్యూయల్-టోన్ ఎక్స్‌టీరియర్ కలర్స్ లో సెలెక్ట్ చేసుకోవచ్చు. అందులో సిట్రిన్ ఎల్లో, డీప్ ఫారెస్ట్, ఎవరెస్ట్ వైట్, స్టెల్త్ బ్లాక్, గెలాక్సీ గ్రే, నెబ్యులా బ్లూ, డూన్ బీజ్, టాంగో రెడ్, స్టెల్త్ బ్లాక్ తో సిట్రిన్ ఎల్లో, గాల్వనో గ్రేతో డీప్ ఫారెస్ట్, స్టెల్త్ బ్లాక్‌తో బీజ్ కలర్, గాల్వనో గ్రేతో నెబ్యులా బ్లూ, స్టెల్త్ బ్లాక్‌తో ఎవరెస్ట్ వైట్, స్టెల్త్ బ్లాక్‌తో గెలాక్సీ గ్రే, గాల్వనో గ్రేతో స్టెల్త్ బ్లాక్ మరియు స్టెల్త్ బ్లాక్‌తో టాంగో రెడ్ వంటి కలర్స్ ఉన్నాయి.
ఇక ఫీచర్ల విషయానికొస్తే, మహీంద్రా తాజా ఎస్‍యూవీలో ఇన్ఫోటైన్‌మెంట్ మరియు ఇన్‌స్ట్రుమెంట్ ప్యానెల్ కోసం ట్విన్ 10.25-ఇంచ్ డిస్‌ప్లే, వైర్‌లెస్ స్మార్ట్‌ఫోన్ కనెక్టివిటీ, డ్యూయల్-జోన్ క్లైమేట్ కంట్రోల్, పనోరమిక్ సన్‌రూఫ్, 360-డిగ్రీ సరౌండ్ కెమెరా, ఆటో హోల్డ్ ఫంక్షన్‌తో ఎలక్ట్రిక్ పార్కింగ్ బ్రేక్, బ్లైండ్ వ్యూ మానిటర్, ఆటో డిమ్మింగ్ ఐఆర్‌విఎం, హర్మాన్ కార్డన్ సోర్స్డ్ సెవెన్-స్పీకర్ మ్యూజిక్ సిస్టమ్ మరియు లెవెల్-2 ఎడాస్ (ఏడీఏఎస్) సూట్ వంటి బెస్ట్ ఫీచర్లు ఉన్నాయి.
మెకానికల్ గా, మహీంద్రా XUV 3XOగా పిలువబడుతున్న ఈ మోడల్, XUV 300 నుండి అన్ని పవర్‌ట్రెయిన్ ఆప్షన్లను కలిగి ఉంది. అందులో 1.2-లీటర్ ఎన్ఎ పెట్రోల్, 1.2-లీటర్ టర్బో-పెట్రోల్ మరియు 1.5-లీటర్ డీజిల్ ఇంజన్‌ ఉన్నాయి. ఇందులోని ట్రాన్స్‌మిషన్ విధులు 6-స్పీడ్ మాన్యువల్, ఎఎంటి గేర్‌బాక్స్ మరియు ఆటోమేటిక్ టార్క్ కన్వర్టర్ యూనిట్ ద్వారా నిర్వహించబడతాయి.
| ఇంజిన్ | పవర్ అవుట్ పుట్ | ఫ్యూయల్ ఎఫిషియన్సీ (ఎంటి/ఎటి) |
| 1.2-లీటర్ ఎన్ఎ పెట్రోల్ | 109bhp/200Nm | 18.89కెఎంపిఎల్/17.96కెఎంపిఎల్ |
| 1.2-లీటర్ టర్బో-పెట్రోల్ | 129bhp/230Nm | 20.10కెఎంపిఎల్/18.20కెఎంపిఎల్ |
| 1.5-లీటర్ డీజిల్ | 115bhp/300Nm | 20.60కెఎంపిఎల్/21.20కెఎంపిఎల్ |
అనువాదించిన వారు: సంజయ్ కుమార్
