- T03 హ్యచ్ బ్యాక్ మరియుC10 ఎలక్ట్రిక్ ఎస్యూవీలతో వచ్చే అవకాశం
- కార్లను లోకల్ గా అసెంబుల్ చేసి ప్రధానంగా ఖర్చును తగ్గించనున్న లీప్ మోటార్
ఇండియాకి రానున్న లీప్ మోటార్
2024 చివరలో ఇండియన్ మార్కెట్లోకి ప్రవేశిస్తున్నట్లు ఎలక్ట్రిక్ కార్ల కంపెనీ లీప్ మోటార్ ప్రకటించింది. చైనీస్ ఈవీ మేకర్స్ నుంచి వస్తున్న ఈ కంపెనీ గ్లోబల్ గా దాని మార్కెట్ ని విస్తరించనుంది. ఈ ఎలక్ట్రిక్ కార్ల కంపెనీ యూరప్, మిడిల్ ఈస్ట్ నార్త్ ఆఫ్రికా (ఎంఈఎన్ఎ), ఆఫ్రికా, ఆస్ట్రేలియా మరియు న్యూజిలాండ్ (ఆస్ట్రలేషియా) వంటి వివిధ ఆటో మార్కెట్లకు బిజినెస్ ని విస్తరించాలని ప్లాన్ చేస్తుంది. అందులో భాగంగా 2024 చివరి వరకు మరియు 2025 పూర్తయ్యే వరకు ఇండియాకి రానుంది.
మోడల్ రేంజ్
T03 హ్యచ్ బ్యాక్ మరియుC10 ఎలక్ట్రిక్ ఎస్యూవీలతో ఇండియన్ మార్కెట్లోకి ప్రవేశిస్తున్నట్లు ఎలక్ట్రిక్ కార్ల కంపెనీ లీప్ మోటార్ చిన్న క్లూని కూడా ఇచ్చింది. ఆటోమేకర్ నుంచి వస్తున్న T03 హ్యచ్ బ్యాక్ టాటా టియాగో ఈవీతో పోటీపడుతుండగా, దీని కొలతలు కూడా ఒకేవిధంగా ఉన్నాయి. అలాగే, ఇది 265 కిలోమీటర్ల డ్రైవింగ్ రేంజ్ ని అందిస్తుంది. మరోవైపు, C10 ఎలక్ట్రిక్ 5-సీటర్ ఎస్యూవీ విషయానికి వస్తే, టాటా హారియర్ మరియు ఎంజి హెక్టర్ లాగా ఒకేవిధమైన కొలతలను కలిగి ఉంది. ఈ 5-సీటర్ ఎస్యూవీ 420 కిలోమీటర్ల డ్రైవింగ్ రేంజ్ ని అందిస్తుండగా, తాజాగా నిర్వహించిన యూరో-ఎన్ క్యాప్ టెస్టులలో దీనిని 5-స్టార్ సేఫ్టీ రేటింగ్ లభించింది.
షోరూంలు మరియు సర్వీస్ ప్లాన్స్
కంపెనీ నుంచి అందిన సమాచారం ప్రకారం, ఈవీ కార్ మేకర్ దాని ప్రొడక్ట్స్ ని లోకల్ గా అసెంబుల్ చేయాలని ప్లాన్ చేస్తున్న్తట్లు తెలిసింది. దీని ద్వారా కార్ల తయారీ ఖర్చును తగ్గించాలని భావిస్తుంది. ఇంకో కారణం ఏంటి అంటే, తాజాగా చైనీస్ కార్లపై అధిక ఎగుమతి పన్ను ఉండడమే దీనికి ప్రధాన కారణం. లీప్ మోటార్ మల్టీ-బ్రాండ్ రిటైల్ మరియు షేర్ షోరూం మరియు సర్వీస్ స్పేస్ లో భాగంగా దాని మోడల్స్ ని జీప్ ఫ్యామిలీలో పంచుకోనుంది. ఈ స్టెప్ ద్వారా, ఖర్చు పరంగా T03 హ్యచ్ బ్యాక్ అన్నింటి కంటే ఎక్కువగా బెనిఫిట్ పొందనుంది.
మల్టీ-బ్రాండ్ ద్వారా కస్టమర్లను చేరుకునే పద్ధతి
ఆటోమేకర్లు మల్టీ-బ్రాండ్ పద్ధతిని అనుసరించడం ద్వారా ఇండియన్ కార్ మార్కెట్ విజయవంతంగా కొనసాగుతుంది. కార్ల ధరలు ఒకే విధంగా ఉండడం ద్వారా తరచుగా సెగ్మెంట్స్ మరియు స్పేసులు ఎటాక్ కి గురవుతాయి. కియా-హ్యుందాయ్, రెనాల్ట్-నిసాన్, మారుతి-టయోటా, ఫోక్స్ వ్యాగన్-స్కోడా వంటి ఇతర కీలక ఆటో కంపెనీలు ధరల పరంగా హెచ్చుతగ్గులను కలిగి ఉంటాయి. స్టెలాంటిస్ నుంచి వస్తున్న ఫస్ట్ డెడికేటెడ్ ఈవీ కంపెనీగా లీప్ మోటార్ ఇండియాకి వస్తుండగా, ఛార్జింగ్ స్టేషన్లను విస్తరించడం మరియు సర్వీస్ సెంటర్ ప్లాన్ ని వెల్లడించనుంది.
అనువాదించిన వారు: సంజయ్ కుమార్