- గ్లోబల్ ఎన్క్యాప్ టెస్టులో 5-స్టార్ రేటింగ్ పొందిన వెర్నా
- మొత్తానికి ప్రతి మోడల్ రేంజ్ లో స్టాండర్డ్ గా 6 ఎయిర్ బ్యాగ్స్
అక్టోబర్ 1, 2023 నుండి భారత్ ఎన్క్యాప్ అమలులోకి వచ్చాక, హ్యుందాయ్ కంపెనీ తమ బ్రాండ్ నుంచి మొదటిసారిగా 3 మోడల్స్ ని స్వచ్చందంగా పంపిస్తున్నట్లు ప్రకటించింది. కాకపోతే, ఈ కార్ మేకర్ ఏ మోడల్ కార్లను భారత్ ఎన్ క్యాప్ క్రాష్ టెస్టుకు పంపిస్తుందో వాటి వివరాలను మాత్రం వెల్లడించలేదు. అదే విధంగా న్యూ వెర్నా గ్లోబల్ ఎన్క్యాప్ టెస్టులో 5-స్టార్ రేటింగ్ పొందినట్లు ప్రకటించింది.
ఇకపై అన్నీ హ్యుందాయ్ కార్లలో స్టాండర్డ్ గా 6-ఎయిర్ బ్యాగ్స్
ప్రస్తుతానికి, బ్రాండ్ నుంచి 13 మోడల్స్ లైనప్ లో ఉన్నాయి. బడ్జెట్ ఆప్షన్స్ రేంజ్ లో గ్రాండ్ i10 నియోస్ తో పాటు ఫ్లాగ్ షిప్ ఎలక్ట్రిక్ ఎస్యువి, అయోనిక్ 5 ఉన్నాయి. ఈ పోర్ట్ ఫోలియోలో ఉన్న అన్నీ కార్లు తమ వేరియంట్స్ లో 6- ఎయిర్ బ్యాగ్స్ ని స్టాండర్డ్ గా తప్పనిసరి చేశాయి. మొట్టమొదటిసారిగా 4 కంటే ఎక్కువగా ఎయిర్ బ్యాగ్స్ అందిస్తున్న కార్ మేకర్స్ లో హ్యుందాయ్ మొదటిది అని చెప్పవచ్చు.
గ్లోబల్ ఎన్క్యాప్ క్రాష్ టెస్టులో 5-స్టార్ రేటింగ్ పొందిన వెర్నా
అదే సమయంలో, ఇటీవల ప్రారంభించబడిన వెర్నా కొత్తగా మరియు చాలా కఠినంగా ఉండే గ్లోబల్ ఎన్క్యాప్ క్రాష్ టెస్ట్ను పాస్ అవ్వడమే కాకుండా, అందరిని ఆకట్టుకునేలా 5-స్టార్ సేఫ్టీ రేటింగ్ను పొందింది. మిడ్-సైజ్ సెడాన్ చైల్డ్ ఆక్యుపెంట్ ప్రొటెక్షన్ మరియు అడల్ట్ ఆక్యుపెంట్ ప్రొటెక్షన్లో వరుసగా 42 మరియు 28.18 పాయింట్లను రికార్డ్ చేసింది.
అనువాదించిన వారు: సంజయ్ కుమార్