- 30కి పైగా మోడళ్లను పరీక్షించాలన్న అభ్యర్థనలు స్వీకరణ
- ఇకపై అందులో ప్రయాణించే పెద్దలు మరియు పిల్లల భద్రతా రేటింగ్స్ అందించనున్న వాహనాలు
- అమలుకానున్న గ్లోబల్ ఎన్‍క్యాప్ టెస్టింగ్ విధానం
గ్లోబల్ ఎన్‍క్యాప్ సహకారంతో, రోడ్డు రవాణా మరియు రహదారుల మంత్రిత్వ శాఖ (ఎంఓఆర్‍టిహెచ్) భారత్ ఎన్‍క్యాప్ (భారత్ న్యూ కార్ అసెస్‌మెంట్ ప్రోగ్రామ్)ను రూపొందించింది. ఇది అక్టోబర్ 1, 2023 నుండి అమల్లోకి వస్తుంది మరియు ఆటోమోటివ్ ఇండస్ట్రీ స్టాండర్డ్ (ఏఐఎస్) - 197 ప్రకారం టెస్టింగ్ చేయబడుతుంది.
భారత్ ఎన్‍క్యాప్ టెస్టింగ్ సిస్టం
ఏఐఎస్-197లో ప్రతిపాదించినట్లుగా, అన్ని వాహనాలకు మూడు క్రాష్ టెస్ట్‌లను నిర్వహిస్తారు
ఈ క్రాష్ టెస్ట్ పెద్దలు మరియు పిల్లల భద్రత కోసం 64kmph వేగంతో నిర్వహించబడుతుంది. డ్రైవర్‌తో పాటు, వెనుక సీటులో 1.5 సంవత్సరాలు మరియు ౩ సంవత్సరాల వయస్సు ఉన్న పిల్లలు కూర్చున్నట్లు రెండు డమ్మీలను అమర్చుతారు.
సైడ్ పోల్ మరియు పోల్ సైడ్ ఇంపాక్ట్ టెస్ట్
ఇది 50kmph మరియు 29kmph వేగంతో నిర్వహించబడుతుంది. ఇందులో సైడ్ పోల్ మరియు పోల్ సైడ్ ఇంపాక్ట్ టెస్టులు పెద్దలు మరియు పిల్లల రక్షణను నిర్ణయిస్తాయి.
గ్లోబల్ ఎన్‍క్యాప్ గురించి మనం ముందుగా చెప్పిన విధంగా, అడల్ట్ ఆక్యుపెంట్ (ఏఓపీ) మరియు చైల్డ్ ఆక్యుపెంట్ (సీఓపీ) కార్లకు ఒక స్టార్ నుండి ఐదు స్టార్ల వరకు రేటింగ్స్ ఇవ్వబడతాయి.
భారత్ ఎన్‍క్యాప్ గురించి తెలుసుకోవలసిన ముఖ్యమైన విషయాలు:
భారత్ ఎన్‍క్యాప్ కింద తమ కార్లను క్రాష్ టెస్ట్ చేయాలనుకున్న కార్ల కంపెనీలు కేంద్ర ప్రభుత్వం నియమించిన ఏజెన్సీకి ఫారం 70-ఎ కింద దరఖాస్తును సమర్పించాలి. ఈ ఏజెన్సీ వాహనాలకు స్టార్ రేటింగ్స్ కేటాయిస్తూ ఎప్పటికప్పుడు రేటింగ్స్ అప్ డేట్ చేస్తుంది. ఈ రేటింగ్స్ అన్నీ ఏజెన్సీ నిర్దేశించిన పోర్టల్‌లో అప్‌లోడ్ చేయడమే కాక ఎప్పటికప్పుడు అప్‌డేట్ చేయబడతాయి.
భారత్ ఎన్‍క్యాప్ కింద పరీక్షించడానికి కావాల్సిన అర్హతలు:
ఉత్పత్తి చేయబడిన వాహనాలు మరియు ఎం1 కేటగిరీ కింద ఉన్న వాహనాలు క్రాష్ టెస్ట్‌కు అర్హతను పొందుతాయి. ఇంకా, వాహనం బరువు 3,500kg (3.5 టన్నులు) కంటే తక్కువ లేదా సమానంగా ఉండాలి. సెలెక్ట్ చేయబడిన వాహనాలు ఎంట్రీ-లెవల్ బేస్ వేరియంట్లుగా ఉంటాయి.
అనువాదించిన వారు : సంజయ్ కుమార్
