ரூ. 15.52 லட்சம் ஆரம்ப விலையில்; ஸ்கோடா ஸ்லாவியா மேட் எடிஷனை இந்தியாவில் லான்ச் செய்தது

• இப்போது பவர்ட் ஃப்ரண்ட் சீட்ஸ், ஃபுட்வெல் லைட்டிங் மற்றும் சப்வூஃபர்ரைப் பெறுகிறது
• இரண்டு இன்ஜின் விருபங்களில் வழங்கப்படுகிறது

இந்த மாத தொடக்கத்தில், ஸ்கோடா இந்தியா தனது ஸ்லாவியா லைன்-அப்பில் புதிய மேட் எடிஷனை அறிமுகப்படுத்தியது. தற்போது, பண்டிகை காலத்தை முன்னிட்டு, கார் தயாரிப்பு நிறுவனம் அதன் விலையை அறிவித்துள்ளது. இது ஸ்டைல் வேரியண்ட்டின் மீது ரூ. 40,000 ப்ரீமியம் விலையில் கிடைக்கும். மேலும், ஸ்லாவியா மேட் எடிஷனின் விலை ரூ. 15,11,999 முதல் ரூ. 19,11,999 வரை வழங்கப்படும் (இரண்டு விலைகளும், எக்ஸ்-ஷோரூம்).

இந்த ஸ்பெஷல் எடிஷன் கார்பன் ஸ்டீல் எக்ஸ்டீரியர் மேட் ஃபினிஷில், டோர் ஹேண்டல்ஸ் மற்றும் ஓ‌ஆர்‌வி‌எம்ஸில் க்ளோஸ் பிளாக் கான்ட்ராஸ்டிங் சிறப்பம்சங்களுடன் வருகிறது. உள்ளே, வயர்லெஸ் மொபைல் இணைப்புடன் கூடிய 10-இன்ச் டச்ஸ்கிரீன் இன்ஃபோடெயின்மென்ட் ஸ்கிரீன், சப்வூஃபர் உடன் கூடிய எட்டு-ஸ்பீக்கர் சவுண்ட் சிஸ்டம், பவர்ட் ஃப்ரண்ட் சீட்ஸ் மற்றும் இல்லுமினேட்டட் ஃபுட்வெல் ஏரியா ஆகியவற்றைக் கொண்டுள்ளது.

ஸ்கோடா ஸ்லாவியா மேட் எடிஷன் 1.0 லிட்டர் டீஎஸ்‌ஐ பெட்ரோல் மற்றும் 1.5 லிட்டர் டீஎஸ்‌ஐ பெட்ரோல் என இரண்டு வேரியண்ட்ஸில் கிடைக்கும். முந்தையது 114bhp மற்றும் 178Nm டோர்க்கையும், பிந்தையது 148bhp மற்றும் 250Nm டோர்க்கையும் வெளிப்படுத்துகிறது. டிரான்ஸ்மிஷனில் சிக்ஸ்-ஸ்பீட் மேனுவல், சிக்ஸ்-ஸ்பீட் டோர்க் கன்வர்ட்டர் மற்றும் செவன்- ஸ்பீட் டி‌எஸ்‌ஜி கியர்பாக்ஸ் மூலம் இயக்கப்படுகின்றன.

மொழிபெயர்த்தவர் : பவித்ரா மதியழகன்