ఇండియాలో ఫోర్స్ గూర్ఖా ఫైవ్-డోర్ ఆవిష్కరణ, త్వరలో ధరల ప్రకటన

• దాంతో పాటుగా అప్‍డేట్ చేయబడిన గూర్ఖా 3-డోర్ వెర్షన్
• త్వరలో ధరలను ప్రకటించే అవకాశం

మరికొన్ని వారాల్లో ఇండియాలో ఫైవ్-డోర్ గూర్ఖా లాంచ్ కానుండగా, దాని కంటే ముందుగా ఫోర్స్ మోటార్స్ దీనిని ఆవిష్కరించింది. అదే విధంగా, ఫోర్స్ కంపెనీ గూర్ఖా 3-డోర్ వెర్షన్ ఎస్‍యూవీని కూడా అప్‍డేట్ చేసింది.

ముందుగా డిజైన్ గురించి చెప్పాలంటే, కొత్త గూర్ఖా 5-డోర్ లో గూర్ఖా లెటరింగ్ తో సింగిల్-స్లాట్ గ్రిల్, ఫెండర్-మౌంటెడ్ టర్న్ ఇండికేటర్స్, ఇంటిగ్రేటెడ్ డీఆర్ఎల్స్ తో కూడిన సర్క్యులర్ ఎల్ఈడీహెడ్‌ల్యాంప్స్, ఫాగ్ లైట్స్, స్నార్కెల్, రూఫ్ రాక్, చంకీ వీల్ ఆర్చ్‌లు మరియు బ్లాక్-అవుట్ డోర్ హ్యాండిల్స్ వంటి ఫీచర్లను కలిగి ఉంది. ఇంకా చెప్పాలంటే, ఇది నిలువుగా అమర్చబడిన టెయిల్‌లైట్స్, 18-ఇంచ్ అల్లాయ్ వీల్స్, ఇంటిగ్రేటెడ్ ల్యాడర్, టెయిల్‌గేట్-మౌంటెడ్ స్పేర్ వీల్ మరియు టో హుక్‌ని పొందింది.

ఇంటీరియర్ పరంగా, ఫోర్స్ గూర్ఖా 2024 లోపల చూస్తే, ఇది యాపిల్ కార్ ప్లే మరియు ఆండ్రాయిడ్ ఆటోతో కూడిన 9-ఇంచ్ టచ్‌స్క్రీన్ సిస్టమ్, డిజిటల్ ఇన్‌స్ట్రుమెంట్ క్లస్టర్, టిల్ట్ మరియు టెలిస్కోపిక్ అడ్జస్టబుల్ స్టీరింగ్, డ్యూయల్ ఎయిర్‌బ్యాగ్స్, ఈబీడీతో కూడిన ఏబీఎస్, టిపిఎంఎస్ మరియు షిఫ్ట్-ఆన్-ఫ్లై 4x4 సిస్టమ్ వంటి వాటిని కలిగి ఉంది. 

ఇప్పుడు ఫోర్స్ గూర్ఖా 2.6-లీటర్, 4-సిలిండర్ డీజిల్ ఇంజిన్ కేవలం 5-స్పీడ్ మాన్యువల్ ట్రాన్స్‌మిషన్ తో మాత్రమే జతచేయబడి రాగా, ఇది 138bhp మరియు 320Nm టార్కును ఉత్పత్తి చేస్తుంది. ఫోర్స్ నుంచి వచ్చిన 3-డోర్ మరియు 5-డోర్ వెర్షన్లు వరుసగా నలుగురు మరియు ఏడుగురు కూర్చునే సీటింగ్ కెపాసిటీని కలిగి ఉన్నాయి. మారుతి జిమ్నీ మరియు మహీంద్రా థార్ వంటి కార్లతో పోటీపడుతున్న గూర్ఖా 5-డోర్ 233 మిల్లీమీటర్ల గ్రౌండ్ క్లియరెన్స్ ని కలిగి ఉంది. 

అనువాదించిన వారు: సంజయ్ కుమార్