2023లో భారీగా ఇయర్-ఎండ్ డిస్కౌంట్లతో అందుబాటులో ఉన్న సిఎన్‍జి కార్లు ఇవే!

ఈ మధ్య కాలంలో ఫ్యూయల్ ధరలు రోజురోజుకి పెరుగుతూ ఉండడంతో సిఎన్‍జి-పవర్డ్ వెహికిల్స్ చాలా పాపులర్ గా మారాయి. టాటా, హ్యుందాయ్ మరియు మారుతి సుజుకి వంటి మానుఫాక్చరర్లు డిసెంబర్ 2023లో తమ సిఎన్‍జి మోడల్స్ పై భారీ డిస్కౌంట్లను అందిస్తున్నాయి. ఈ ఆర్టికల్ లో, మేము ప్రస్తుతంఇండియాలో ఇయర్-ఎండ్ డిస్కౌంట్లను అందిస్తూ విక్రయించబడుతున్న అన్ని సిఎన్‍జి-బేస్డ్ కార్ల లిస్టును సిద్ధం చేశాము. ఇప్పుడు మనం వాటిని పరిశీలిద్దాం.

టాటా టియాగో సిఎన్‍జి మరియు టిగోర్ సిఎన్‍జి

టాటా టియాగో మరియు టిగోర్ సిఎన్‍జి మోడల్స్ ట్విన్-సిలిండర్ సిఎన్‍జి టెక్నాలజీతో రూ. 6.55 లక్షలు(ఎక్స్-షోరూం) ప్రారంభ ధర రేంజ్ తో అందుబాటులో ఉన్నాయి. ఈ ఆటోమేకర్ టాటా టియాగో సిఎన్‍జి మరియు టిగోర్ సిఎన్‍జిలపై వరుసగా రూ. 50,000 మరియు రూ. 55,000 బెనిఫిట్స్ అందిస్తున్నాయి. ఇందులో రూ. 15,000 ఎక్స్‌ఛేంజ్ బోనస్‌ మరియు రూ. 5,000 కార్పొరేట్ బోనస్‌ ఉన్నాయి.  క్యాష్ బెనిఫిట్స్ విషయానికొస్తే, టిగోర్ సిఎన్‌జిపై రూ.35,000 వరకు కన్జ్యూమర్ బోనస్ ఉండగా, టియాగో సిఎన్‌జిని కొనుగోలు చేయాలనుకునే కస్టమర్లకు రూ.30,000 వరకు క్యాష్ డిస్కౌంట్స్ లభించనున్నాయి.

టయోటా గ్లాంజా సిఎన్‍జి

మారుతి సుజుకి బాలెనో-బేస్డ్ హ్యాచ్ బ్యాక్, టయోటా గ్లాంజా సిఎన్‍జిపై సుమారు రూ.51,000 వరకు డిస్కౌంట్స్ లభించనున్నాయి. ఇందులో రూ. 20,000 వరకు క్యాష్ డిస్కౌంట్, రూ. 20,000 వరకుఎక్స్ఛేంజ్ బోనస్, మరియు రూ. 11,000 విలువైన వారంటీ పొడిగింపు వంటివి ఉన్నాయి.  సిఎన్‍జి టైప్ ప్రీమియం హ్యాచ్‌బ్యాక్ యొక్క ప్రస్తుత ప్రారంభ ధర రూ. 8.60 లక్షలు (ఎక్స్-షోరూమ్)గా ఉంది.

మారుతి సుజుకి బాలెనో సిఎన్‍జి

డెల్టా మరియు జీటా అనే 2 వేరియంట్స్ లో అందించబడుతున్న మారుతి సుజుకి బాలెనో సిఎన్‍జి మోడల్ ప్రారంభ ధర రూ.8.35 లక్షలు(ఎక్స్-షోరూం)గా ఉంది. ఇక ఆఫర్స్ విషయానికొస్తే, బాలెనో సిఎన్‍జిపై రూ.37,000 వరకు ఇయర్-ఎండ్ డిస్కౌంట్స్ లభించనున్నాయి. ఇందులో రూ. 25,000 క్యాష్ డిస్కౌంట్, 10,000 ఎక్స్ఛేంజ్ బోనస్‌ మరియు రూ. 2,000 కార్పొరేట్ బోనస్‌ ఉన్నాయి.

ఇంకా ఇతర మారుతి మోడల్స్ గురించి చెప్పాలంటే, సెలెరియో, ఎస్-ప్రెస్సో, వ్యాగన్-ఆర్ మరియు స్విఫ్ట్ మోడల్స్ సిఎన్‍జి పవర్ ట్రెయిన్ ఆప్షన్స్ తో అందుబాటులో ఉన్నాయి. మారుతి కంపెనీ ఈ మోడల్స్ పై కూడా బ్రహ్మాండమైన డిస్కౌంట్స్ అందిస్తుంది. 

హ్యుందాయ్ గ్రాండ్ i10 నియోస్ సిఎన్‍జి మరియు ఆరా సిఎన్‍జి

డిసెంబరు-2023లో గ్రాండ్ i10 నియోస్ మరియు ఆరాలపై హ్యుందాయ్ రూ.48,000 వరకు బెనిఫిట్స్ అందిస్తుంది. ఇక గ్రాండ్ i10 నియోస్ పై ఉన్న ఆఫర్స్ తో ప్రారంభిస్తే, హ్యాచ్‌బ్యాక్ పై రూ. 35,000 వరకు క్యాష్ డిస్కౌంట్, రూ. 10,000 వరకు ఎక్స్ఛేంజ్ బోనస్‌, మరియు రూ. 3,000 వరకు కార్పొరేట్ డిస్కౌంట్స్ లభించనున్నాయి. మరోవైపు, ఆరా సిఎన్‍జిపై రూ. 20,000 వరకు క్యాష్ డిస్కౌంట్ మరియు వరుసగా రూ. 10,000 ఎక్స్ఛేంజ్ బోనస్ మరియు 3,000 కార్పొరేట్ బోనస్‌ లభిస్తాయి. మరి ఇంకెందుకు ఆలస్యం, త్వరగా వీటిపై ఓ లుక్కేసి మీ నూతన సంవత్సరాన్ని ఘనంగా ప్రారంభించండి.

అనువాదించిన వారు: సంజయ్ కుమార్