- டிஜிட்டல் இன்ஸ்ட்ரூமென்ட் உடன் வரும்
- 29 ஏப்ரல் 2024 அன்று லான்ச் செய்யப்படும்
மஹிந்திரா XUV 3XO இன் அதிகாரப்பூர்வ விலை அறிவிப்புக்கு நாம் நெருங்கி வரும்போது, முக்கிய விவரங்களை வெளிப்படுத்தும் பல டீசர்களை மஹிந்திரா வெளியிட்டுள்ளது. இப்போது, சமீபத்திய டீசரில், எஸ்யுவியின் இன்டீரியர் மற்றும் மைலேஜ் புள்ளிவிவரங்களுடன் முழுமையாக வெளிப்படுத்தப்பட்டுள்ளது.
படத்தில் காணப்படுவது போல், மஹிந்திரா XUV 3XO அதன் முன்னோடி (XUV 300) ஐ விட அதன் இன்டீரியரின் அடிப்படையில் ஒரு பெரிய மாற்றத்தை பெறும். 10.25 இன்ச் டச்ஸ்கிரீன் இன்ஃபோடெயின்மென்ட் சிஸ்டம், ஃபுல்லி டிஜிட்டல் இன்ஸ்ட்ரூமென்ட் பேனல், ஹர்மன் கார்டன் சவுண்ட் சிஸ்டம், பனோரமிக் சன்ரூஃப், ரிமோட் க்ளைமேட் கன்ட்ரோல், டூயல் ஜோன் க்ளைமேட் கன்ட்ரோல், புதிய ஸ்டீயரிங் வீல் மற்றும் மறுவடிவமைப்பு செய்யப்பட்ட சென்டர் கன்சோல் ஆகியவற்றைக் கொண்டிருக்கும்.
மேலும், டீசரில், மஹிந்திரா மைலேஜ் மற்றும் பர்ஃபார்மன்ஸ் விவரங்களையும் வெளிப்படுத்தினார். இன்ஸ்ட்ரூமென்ட் க்ளஸ்டரில் தெரியும், 3XO இன் இன்ஜின் விருப்பங்களில் ஏதோ ஒன்று ஏஆர்ஏஐ- சான்றளிக்கப்பட்ட லிட்டருக்கு 20.1கிமீ மைலேஜை வழங்கும். மேலும், குறிப்பிட்ட வேரியன்ட் வெறும் 4.5 வினாடிகளில் 0-60 கிமீ வேகத்தை எட்டும் ஒரு அற்புதமான பர்ஃபார்மன்ஸ்ஸை வழங்கும்.
XUV 3XO ஆனது 1.2 லிட்டர் டர்போ-பெட்ரோல் மற்றும் 1.5 லிட்டர் டீசல் மற்றும் மேனுவல் மற்றும் ஆட்டோமேட்டிக் கியர்பாக்ஸுடன் அதே விருபங்களை பெறும். இதற்கிடையில், இந்த எஸ்யுவியின் விலைகள் ஏப்ரல் 29, 2024 அன்று வெளியிடப்படும்.
மொழிபெயர்த்தவர்: ஐசக் தீபன்
