- రెండు వేరియంట్లలో లభ్యం
- 9-సీటర్ లేఅవుట్ ని పొందిన బొలెరో నియో+
మహీంద్రా ఇండియా ఎంతగానో ఎదురుచూస్తున్న మహీంద్రా బొలెరో నియో+ మోడల్ ని నేడే ఇండియాలో లాంచ్ చేసింది. 3-వరుసల ఎస్‍యూవీ రెండు వేరియంట్లలో రూ. 11.39 లక్షల ఎక్స్-షోరూం ప్రారంభ ధరతో అందుబాటులోకి వచ్చింది. ఈ కారు 2-3-4 లేఅవుట్ ప్యాటర్న్ ని అనుసరిస్తూ 9-సీటర్ వెర్షన్ లో అందించబడింది.
కొత్త బొలెరో నియో+ ని P4 మరియు P10 అనే రెండు వేరియంట్లలో పొందవచ్చు. వీటి ధర వరుసగా రూ. 11.39 లక్షలు (ఎక్స్-షోరూం) మరియు రూ. 12.49 లక్షలుగా (ఎక్స్-షోరూం) ఉంది. ఇంకా నియో+ కారు కలర్ ఆప్షన్ల విషయానికి వస్తే, ఈ ఎస్‍యూవీ నపోలి బ్లాక్, మెజెస్టిక్ సిల్వర్, మరియు డైమండ్ వైట్ అనే మూడు ఎక్స్‌టీరియర్ కలర్లలో అందుబాటులో ఉంది. ఇక క్యాబిన్ విషయానికి వస్తే, బొలెరో నియో+ ప్రీమియం ఇటాలియన్ ఇంటీరియర్స్, 9-ఇంచ్ ఇన్ఫోటైన్మెంట్ సిస్టం, మరియు బ్లూటూత్ మరియు యుఎస్‍బి కనెక్టివిటీ వంటి ఫీచర్లను కలిగి ఉంది.
మెకానికల్ గా, మహీంద్రా బొలెరో నియో+ మోడల్ 2.2-లీటర్ ఎంహాక్ డీజిల్ ఇంజిన్ 6-స్పీడ్ మాన్యువల్ గేర్ బాక్సుతో జతచేయబడి వచ్చింది. ఈ డీజిల్ ఇంజిన్ రియర్ వీల్స్ కి పవర్ ని సప్లై చేస్తూ 118bhp మరియు 280Nm పీక్ టార్కును ఉత్పత్తి చేస్తుంది.బొలెరో నియో+ 60 లీటర్ల ఫ్యూయల్ ట్యాంక్ కెపాసిటీని కలిగి ఉంది. ఇంకా డైమెన్షన్స్ పరంగా, ఈ కారు మొత్తం పొడవు 4400 ఎంఎం ఉండగా, వెడల్పు 1795 ఎంఎం, ఎత్తు 1812 ఎంఎం ఉండగా మరియు వీల్‌బేస్ 2680 ఎంఎంగా ఉంది.
వేరియంట్-వారీగా మహీంద్రా బొలెరో నియో+ మోడల్ ఎక్స్-షోరూం ధరలు క్రింది విధంగా ఉన్నాయి:
| వేరియంట్ | ధర (ఎక్స్-షోరూం) |
| మహీంద్రా బొలెరో నియో+ P4 | రూ. 11.39 లక్షలు |
| మహీంద్రా బొలెరో నియో+ P10 | రూ. 12.49 లక్షలు |
