- కేవలం 6 నెలల్లోనే మైల్‍స్టోన్‍ని సాధించిన హోండా ఎలివేట్
- రూ.11.58 లక్షలతో ధరలు ప్రారంభం
గత సంవత్సరం సెప్టెంబర్ నెలలో, హోండా కార్స్ ఇండియా ఎలివేట్ ఎస్‍యూవీ అనే ఒక పూర్తి కొత్త ప్రోడక్టుని ఇండియన్ మార్కెట్లో లాంఛ్ చేసింది. ఇప్పుడు, ఈ మిడ్-సైజ్ ఎస్‍యూవీ రిలీజ్ అయిన ఆరు నెలల్లోనే దేశవ్యాప్తంగా 30,000 యూనిట్ సేల్స్ రిజిస్టర్ చేసి సరికొత్త మైల్‍స్టోన్‍ని సాధించింది.
కొత్త హోండా ఎలివేట్ ని SV, V, VX, మరియు ZX అనే నాలుగు వేరియంట్లలో రూ.11.58 లక్షలు (ఎక్స్-షోరూం) ప్రారంభ ధరతో పొందవచ్చు. మెకానికల్ గా, హ్యుందాయ్ క్రెటాతో పోటీ పడుతున్న ఈ మోడల్ 1500cc నేచురల్లీ ఆస్పిరేటెడ్ ఇంజిన్ తో వచ్చింది. ఈ నేచురల్లీ ఆస్పిరేటెడ్ మోటార్ 6-స్పీడ్ మాన్యువల్ మరియు సివిటి గేర్ బాక్సుతో జతచేయబడి 119bhp మరియు 145Nm మాక్సిమం టార్కును ఉత్పత్తి చేస్తుంది.
ప్రస్తుతం, హోండా కార్స్ ఇండియాకి సంబంధించి అమేజ్, సిటీ, మరియు ఎలివేట్ అనే మూడు కార్లను ఇండియన్ మార్కెట్లో విక్రయిస్తుంది. ఎలివేట్ ఎస్‍యూవీ రాకతో జపనీస్ కార్ మేకర్ నెలవారీ డొమెస్టిక్ సేల్స్ మరియు ఎగుమతులు విపరీతంగా పెరగడంతో అద్బుతమైన వృద్ధిని సాధించింది. అదే విధంగా, హోండా కంపెనీ తాజాగా ఎలివేట్ రీబ్యాడ్జ్ వెర్షన్ WR-Vని సొంత దేశమైన జపాన్ లో లాంచ్ చేసింది.
అనువాదించిన వారు: సంజయ్ కుమార్
