ஹூண்டாய் மீண்டும் வெற்றி பெற்றது, டாடாவை விட அதிக கார்களை விற்பனை செய்கிறது

• மீண்டும் மாருதி முதலிடத்தில் உள்ளது
• 2000 யூனிட்ஸுடன் டாடா பின்தங்கியுள்ளது

கடந்த ஆண்டு ஏப்ரல் மாதத்தை விட இந்த ஆண்டு பஸ்சேன்ஜ்ர் வாகனங்களின் விற்பனை அதிகரித்துள்ளது. சுவாரஸ்யமாக, ஹூண்டாய் மற்றும் டாடா இடையே கடுமையான போட்டி நிலவியது, ஆனால் இறுதியில் ஹூண்டாய் சில யூனிட்களை விற்று வெற்றி பெற்றது.

கியா மற்றும் மஹிந்திரா முதல் ஐந்து இடங்களுக்குள் சேர்க்கப்பட்டுள்ளன

டாடா ஏப்ரல் 2024 இல் 47,883 யூனிட்களை விற்பனை செய்துள்ளது. ஹூண்டாய் நிறுவனம் 2,000 வாகனங்கள் அதிகரித்து 50,201 வாகனங்களை விற்பனை செய்துள்ளது. இந்த பட்டியலில் மாருதி சுஸுகி நிறுவனம் முதலிடத்தை தக்கவைத்து வருவது குறிப்பிடத்தக்கது. மாருதியின் மொத்த விற்பனையானது டாடா மற்றும் ஹூண்டாய் பிராண்டுகளின் விற்பனை எண்ணிக்கையை விட அதிகம். மாருதி சுஸுகி ஏப்ரல் 2024 இல் 1,37,952 யூனிட்களை விற்பனை செய்துள்ளது. 41,008 யூனிட்களை விற்பனை செய்து மஹிந்திரா நான்காவது இடத்தில் உள்ளது. கியா 19,968 யூனிட்களுடன் முதல் ஐந்து இடங்களுக்குள் வந்துள்ளது. இவை அனைத்திலும் கடந்த ஆண்டு ஏப்ரல் முதல் கியாவின் விற்பனை மட்டுமே குறைந்துள்ளது குறிப்பிடத்தக்கது. மற்ற அனைத்து பிராண்டுகளும் ஆண்டுக்கு ஆண்டு மாதாந்திர விற்பனை வளர்ச்சியைக் கண்டுள்ளன. கடந்த ஆண்டு இதே காலத்தில் 23,216 யூனிட்களை கியா விற்பனை செய்திருந்த நிலையில், இந்த ஆண்டு ஏப்ரலில் 19,968 யூனிட்களை மட்டுமே விற்பனை செய்துள்ளது.

டொயோட்டா ஏப்ரல் 2023 இல் 14,162 யூனிட்களை விற்றுள்ளது, அதே நேரத்தில் இந்த பிராண்ட் 18,700 யூனிட்களின் விற்பனை எண்ணிக்கையை எட்டியுள்ளது. அதே நேரத்தில், ஹோண்டா மற்றும் எம்ஜி விற்பனை சுமார் நான்கரை ஆயிரம் யூனிட்டுகளாக குறைந்துள்ளது.

ஹூண்டாய் நிறுவனத்தின் விற்பனை 1 சதவீதம் அதிகரித்துள்ள நிலையில், டாடாவின் விற்பனை ஆண்டுக்கு ஆண்டு 1.86% வளர்ச்சியை பதிவு செய்துள்ளது. சிறப்பாக விற்பனையாகும் வாகன பிராண்டுகளின் பட்டியலில் மஹிந்திரா நான்காவது இடத்தில் இருந்தாலும், அதன் விற்பனை மற்ற பிராண்டுகளுடன் ஒப்பிடுகையில் மிகப்பெரிய அதிகரிப்பை பதிவு செய்துள்ளது.

மொழிபெயர்த்தவர்: ஐசக் தீபன்